MATTHEW 25:34 - Edisana ñwed Abasi Ibom

³⁴ Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

MATTHEW 25:34 ပူးပေါင်းရင်းမြစ်များ

ŊWED MME PSALM 2:6

Ndien edi ami mmonim edidem mi ke enyɔŋ Zion edisana obot mi.

MME ŊKE 11:17

Owo mfɔnido anam se ɔfɔnde ye ukpɔŋ esiemɔ: edi owo afai ɔtuhɔ obukidem esie.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

ISAIAH 6:5

Ndien ami ndɔhɔ, nte, Mbɔm mi! koro mmakpa: koro ami ndide owo edidehe mkpɔk-inua, nnyuŋ nduŋ ke otu mbon edidehe mkpɔk-inua: koro enyin mi okutde edidem, Jehovah mme udim.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

DANIEL 9:25

Fiɔk, ndien, nyuŋ tim nim ke ibuot, ete, ke ɔtɔŋɔde ke ini emi uyo ɔwɔrɔde, ete etɔŋɔ ntak ediɔŋ enyuŋ ebɔp Jerusalem, tutu osim ke ini Messiah Ɔbɔŋ, eyedi urua itiaba ye urua ata ye iba: eyetɔŋɔ ntak ediɔŋ aŋwa ye ukpe, kpa ke ini nnanenyin.

ZEPHANIAH 3:15

Jehovah ɔmɔbɔ fi ufen efep, amakabare usua fo efep: edidem Israel, Jehovah, odu ke otu mbufo: afo udukwe aba idiɔk.

MATTHEW 13:35

man osu nte prophet ekewetde, ete, Nyetat inua Mi ntiŋ ikɔ ke ŋke, Nyetiŋ ŋkpɔ eke ekodibede toto ke eritɔŋɔ ererimbot.

MATTHEW 19:29

Ndien kpukpru owo emi ekɔkpɔŋde ufɔk, mme nditɔ-eka iren, mme nditɔ-eka iban, mme ete, mme eka, mme nditɔ, mme isɔŋ, kabaŋa enyiŋ Mi, eyebɔ utip utim ikikie, eyenyuŋ enyene nsinsi uwem.

MATTHEW 20:23

Enye ɔdɔhɔ mmɔ ete, Ke akpanikɔ mbufo eyeŋwɔŋ cup Mi: edi nditie ke ubɔk nasia Mi ye ke ufien inyeneke Mi ndinɔ, edi enyene mmɔ emi Ete Mi okonimde oro ɔnɔ.

MATTHEW 21:5

Mbufo edɔhɔ adiaha Zion, ete, Sese, Edidem fo ke edi ke ɔtɔ fo, Ɔsuhɔre idem, onyuŋ odoro ke ass, Ke abak ass, eyen uman ass.

MATTHEW 25:21

Ɔbɔŋ esie ete, Omotim anam, afo eti asaŋutom ye owo akpanikɔ: akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

MATTHEW 25:23

Ɔbɔŋ esie ete, Omotim anam, afo eti asaŋutom ye owo akpanikɔ: afo akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MATTHEW 27:37

Mmɔ enyuŋ ewet ŋwed eridori-ikɔ edian cross ke enyɔŋ ibuot Esie, ete,

MATTHEW 3:2

Mbufo ekabare esit; koro Ubɔŋ Heaven ke ekpere.

MATTHEW 5:19

Mmɔdɔ owo ekededi eke edibiatde ata ekpri ibet emi kiet, edinyuŋ ekpepde owo efen nditiene mbiat, eyekot enye ata ekpri ke Obio Ubɔŋ Heaven: edi owo ekededi eke edinimde, edinyuŋ ekpepde owo efen ndinim, eyekot enye akamba ke Obio Ubɔŋ Heaven.

MARK 10:17

Ekem nte Jesus ɔwɔrɔde oduk usuŋ, owo kiet efehe etiene Enye, ɔtɔŋɔ edɔŋ ɔnɔ Enye, onyuŋ obup Enye ete, Eti Andikpep, ndinam nso man nnyene nsinsi uwem?

MARK 10:40

edi nditie ke ubɔk nnasia Mi mme ke ufien inyeneke Mi ndinɔ; edi enyene mmɔ emi ekenimde enye enɔ.

LUKE 11:28

Edi Enye ete, Akam ɔfɔn akan ye mmɔ emi ekopde ikɔ Abasi, enyuŋ ekpemede ndinam.

LUKE 11:50

ndien mmɔ eyewot enyuŋ ekɔbɔ ndusuk mmɔ; man ekpe-kpak iyip kpukpru mme prophet eke ekeduɔkde toto ke eritɔŋɔ ererimbot, ke ubɔk emana emi;

LUKE 12:32

Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

LUKE 19:38

Itoro enyene Edidem emi edide ke enyiŋ Jehovah: Emem odu ke heaven, ubɔŋ odu ke ata enyɔŋ.

JOHN 1:49

Nathanael ɔbɔrɔ Enye ete, Rabbi, Afo edi Eyen Abasi; Afo edi Edidem Israel.

JOHN 12:13

mmɔ eda ndak eyop ewɔŋɔ eka ekosobo ye Enye, enyuŋ efiori ete, Hosanna: Itoro enyene Enye emi edide ke enyiŋ Jehovah, Kpa Edidem Israel.

JOHN 17:24

Ete, mmoyom nte mmɔ emi Afo ɔkɔnɔde Mi edidu ye ami ke ebiet eke ndude; man mmɔ ekut ubɔŋ Mi emi Afo ɔkɔnɔde Mi: koro Afo akamama Mi, ndien ediwuk adaha ererimbot.

JOHN 19:15

Edi mmɔ efiori ete, Men Enye fep, men Enye fep, wot Enye ke cross. Pilate ete mmɔ, Nte ŋwot Edidem mbufo ke cross? Ikpɔ oku ebɔrɔ ete, Nnyin inyeneke edidem efen ibe Caesar.

UTOM MME APOSTLE 15:18

Ntem ke Jehovah, emi anamde owo efiɔk ŋkpɔ emi toto ke eritɔŋɔ ererimbot, ɔdɔhɔ.

UTOM MME APOSTLE 3:26

Sia Abasi ama akanam Owo Esie adaha ada, Enye ebem iso ɔdɔŋ Enye ete edidiɔŋ mbufo, ke erinam mbufo kpukpru ewɔŋɔre ekpɔŋ mme idiɔk-ŋkpɔ mbufo.

ŊWED MBON ROME 8:17

Edi edieke nnyin idide nditɔ, imonyuŋ inyene udeme ke se enimde enɔ nditɔ; imenyene udeme ke se Abasi onimde; imasaŋa ye Christ inyene udeme: koro ana nte nnyin ima ikut ndutuhɔ ye Enye, inyenyuŋ ida ubɔŋ ye Enye.

1 ŊWED CORINTH 15:50

Edi ndɔhɔ emi, nditɔ-ete, obukidem ye iyip ikemeke ndibɔ Obio Ubɔŋ Abasi nda nnyene; mbiara inyuŋ ikemeke ndibɔ se midibiarake nda nnyene.

1 ŊWED CORINTH 2:9

Edi nnyin itiŋ, nte ewetde ete, Se enyin mikekwe, utɔŋ mikonyuŋ ikopke, Se minyuŋ idukke owo ke esit ndikere, Ŋkpɔ ekededi eke Abasi ekebeŋede onim ɔnɔ mmɔ emi emade Enye.

1 ŊWED CORINTH 6:9

mbufo enyuŋ enam ntem ye nditɔ-ete mbufo. Mme nte mbufo ifiɔkke ite, mme anam-ukwaŋido ididaha Obio Ubɔŋ Abasi inyene? Ekubiaŋa idem mbufo. Mbon-use, ye mme okpono-ndem, ye mme esin-efibe,

ŊWED MBON GALATIA 5:21

ye ubahare, ye erisiak isio ŋka, ye udu, ye eriyuhɔ mmin, ye otime-otime ido ye mme ido eke etiede ntre; mmɔdɔhɔ mbufo, kpa nte mma ŋkebebem iso ndɔhɔ, nte, mmɔ emi enamde oruk ido eke etiede ntem ididaha Obio Ubɔŋ Abasi inyene.

ŊWED MBON EPHESUS 5:5

Koro mbufo emetim efiɔk emi, ete baba anam use kiet, mme anam mbubiam ido, mme esin esit ke ŋkpɔ owo, emi edide okpono ndem, inyeneke udeme ke Obio Ubɔŋ Christ ye Abasi.

1 ŊWED THESSALONICA 2:12

man mbufo esaŋa edu uwem nte odotde Abasi, emi okokotde mbufo esin ke Obio Ubɔŋ Esie.

2 ŊWED TIMOTHY 2:12

Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;

2 ŊWED TIMOTHY 4:8

Ema enim anyanya eti ido ebeŋe mi, emi Ɔbɔŋ, kpa Edinen Ebierikpe, edinɔde mi ke usen oro; idinyuŋ inɔŋɔ mi ikpɔŋ, edi eyenyuŋ ɔnɔ kpukpru mmɔ emi emade eriyarare Esie.

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?

MME HEBREW 11:16

Edi ke emi mmɔ eyom isɔŋ eke ɔfɔnde akan, oro edi, isɔŋ eke odude ke heaven. Mmɔdo inamke Abasi but ndikere Abasi mmɔ; koro Enye ama ebeŋe Obio ɔnɔ mmɔ.

MME HEBREW 4:3

Koro nnyin emi ima inim ke akpanikɔ ibe iduk ke nduɔk-odudu oro: kpa nduɔk-odudu eke Enye etiŋde abaŋa ke ini Enye ɔdɔhɔde ete, Mma ŋŋwɔŋɔ ke iyaresit Mi, Nte, mmɔ ididukke ke nduɔk-odudu Mi. Okposuk edi nte Enye ama akanam utom Esie ama toto ke eritɔŋɔ ererimbot.

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

1 PETER 1:9

ke ebɔde se mbuɔtidem mbufo ɔsuŋɔde do, kpa erinyaŋa ukpɔŋ mbufo.

1 PETER 3:9

Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.

ERIYARARE 13:8

Ndien kpukpru mme andiduŋ ke isɔŋ eyetuak ibuot enɔ enye, kpa kpukpru owo emi mikewetke enyiŋ esie isin ke ŋwed uwem eke Eyen-erɔŋ, emi ekowotde toto ke eritɔŋɔ ererimbot.

ERIYARARE 17:8

Unam oro okutde ama odu, inyuŋ iduhe; edi ɔmɔŋ edito ke akwa ukpe ɔdɔk edi, onyuŋ ebe oduk ke nsobo. Idem eyekpa kpukpru mme andiduŋ ke isɔŋ, kpukpru mmɔ eke mikewetke enyiŋ mmɔ isin ke ŋwed uwem toto nte ekebotde ererimbot, ke ini mmɔ esede unam oro, ete ama odu, inyuŋ iduhe, edi ɔmɔŋ edidu mi.

ERIYARARE 19:16

Enye onyuŋ enyene enyiŋ emi ewetde ke ɔfɔŋ-idem Esie ye ke ifuhi Esie ete, EDIDEM NDIDEM YE ƆBƆŊ MBƆŊ.

ERIYARARE 21:7

Owo eke akande eyeda ŋkpɔ emi enyene; ndien nyedi Abasi esie; enye eyenyuŋ edi eyen Mi.

ERIYARARE 5:10

omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.