MATTHEW 25:33 - Edisana ñwed Abasi Ibom

³³ ndien eyenim erɔŋ ke ubɔk nnasia Esie, ye ebot ke ufien.

MATTHEW 25:33 ပူးပေါင်းရင်းမြစ်များ

1 NDIDEM 2:19

Ekem Bathsheba aka ke ɔtɔ edidem Solomon, ndineme nneme ye enye mbaŋa Adonijah. Ndien edidem adaha ke enyɔŋ aka okosobo ye enye, onyuŋ ɔnuhɔ ɔnɔ enye; ndien ɔsuhɔre etie ke ebekpo esie, onyuŋ ɔdɔhɔ ete, ediɔk ebekpo enɔ eka edidem; ndien enye ɔsuhɔre etie enye ke ubɔk nnasia.

ŊWED MME PSALM 100:3

Mbufo efiɔk ete ke edi Jehovah edi Abasi; edi enye akanam nnyin, ndien nnyin inyene enye, ikɔt esie, ye ufene emi enye ɔbɔkde.

ŊWED MME PSALM 110:1

JEHOVAH ɔdɔhɔ ye Ɔbɔŋ mi, ete, “Tie mi ke ubɔk nnasia, tutu nda mme asua fo nnim fi ke udorukot.”

ŊWED MME PSALM 45:9

Nditɔ-iban ndidem edu ke otu iban ima fo: ɔbɔŋ-aŋwan esine gold ophir ada fi ke ubɔk nnasia.

ŊWED MME PSALM 79:13

Ndien nnyin ikɔt fo, ye ufene emi afo ɔbɔkde, iyekɔm fi ke nsinsi: iyenyuŋ itiŋ itoro fo ke ofuri emana.

ŊWED MME PSALM 95:7

Koro enye edide Abasi nnyin; ndien nnyin idi ikɔt emi enye ɔbɔkde, ye ufene ubɔk esie.

ECCLESIASTES 10:2

Esit owo eti ibuot odu enye ke ubɔk nnasia, edi esit ndisime owo odu enye ke ufien.

MARK 16:19

Ntre ndien ke Ɔbɔŋ Jesus ama eketiŋ ntem ɔnɔ mmɔ, emen Enye edɔk ke heaven, Enye onyuŋ ɔsuhɔre etie ke ubɔk nnasia Abasi.

ŊWED MBON EPHESUS 1:20

eke Enye akadade anam utom ke idem Christ, ke adaŋemi anamde Enye eset ke mkpa, onyuŋ anamde Enye etie ke ubɔk nnasia Esie ke mme itie heaven,

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;