MATTHEW 25:32 - Edisana ñwed Abasi Ibom

³² Ndien eyebon kpukpru mme idut ke iso Esie: Enye eyenyuŋ abahare mmɔ kiet ye eken, nte emi ekpemerɔŋ abaharede erɔŋ ye ebot;

MATTHEW 25:32 ပူးပေါင်းရင်းမြစ်များ

ŊWED MME PSALM 1:5

Mmɔdo mme idiɔk owo mididaha ke ikpe, mme anam-idiɔk idinyuŋ idaha ke esop nti owo.

ŊWED MME PSALM 78:52

Ndien enye ada ikɔt esie usuŋ nte ufene, onyuŋ akama mmɔ nte otu erɔŋ ke wilderness.

ŊWED MME PSALM 96:13

Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

EZEKIEL 20:38

ndien nyekpɔri mbon nsɔŋ-ibuot ke otu mbufo mfep, ye mmɔ emi eduede mi: nyesio mmɔ ke isɔŋ emi mmɔ eduŋde ke esit, ndien mmɔ ididukke ke isɔŋ Israel. Ndien mbufo eyefiɔk ete ke ami ndi Jehovah.

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

MATTHEW 13:49

Ntre ke edidi ke akpatre ini eyo emi; mme angel eyewɔŋɔ edi edidianare mme oburobut owo esio ke ndinen owo, enyuŋ eduɔŋɔ mmɔ ke akwa ikaŋ eke asakde.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

MATTHEW 3:12

Usakŋkpɔ Esie odu Enye ke ubɔk, Enye eyenyuŋ anam itie-ubekibokpot Esie otim asana, onyuŋ obon ibokpot Esie ke ubet, edi eyefɔp mbio ke ikaŋ eke midinimeke.

JOHN 10:14

Ami ndi eti ekpeme-erɔŋ; mmɔfiɔk se inyenede Mi, se inyenede Mi onyuŋ ɔfiɔk Mi kpa nte Ete ɔfiɔkde Mi,

JOHN 10:27

Mme erɔŋ Mi ekop Mi uyo, Ami mmonyuŋ mfiɔk mmɔ, mmɔ enyuŋ etiene Mi.

ŊWED MBON ROME 2:12

Koro adaŋa owo nte ekenamde idiɔk-ŋkpɔ nte mme anana-ibet, nte mme anana-ibet ke eyenyuŋ etak; ndien kpukpru mmɔ emi ekenamde idiɔk-ŋkpɔ ke idak ibet, ke eyeda ibet ekpe ikpe ye mmɔ:

ŊWED MBON ROME 2:16

ke usen eke Abasi edibierede ndibe ŋkpɔ owo ke ubɔk Jesus Christ, nte gospel mi owutde.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

1 SAMUEL 2:10

Jehovah eyenuak mbon utɔk esie; enye etie ke enyɔŋ ada obuma esie ɔtɔ mmɔ: Jehovah eyekpe ikpe utit ererimbot; eyenyuŋ ɔnɔ edidem esie nsɔŋidem, onyuŋ emen nduk Messiah esie onim ke enyɔŋ.