MATTHEW 25:16 - Edisana ñwed Abasi Ibom

¹⁶ Idaha oro owo emi ɔkɔbɔde talent ition adaha akada mmɔ anyam urua, aŋwana talent ition efen odori.

MATTHEW 25:16 ပူးပေါင်းရင်းမြစ်များ

1 CHRONICLES 28:2

Ndien David edidem adaha ke enyɔŋ ada ke ukot esie, onyuŋ ɔdɔhɔ, ete, Mbufo nditɔ-ete mi, ye ikɔt mi, ekop uyo mi: ami ŋkekere ke esit mi ndibɔp ufɔk nduɔk-odudu nnɔ ekebe ediomi Jehovah, ye ke udorukot Abasi nnyin, mma nnyuŋ ntim ŋkpɔ ubɔp ufɔk:

ISAIAH 23:18

Ndien utip esie ye udori esie eyekabare edi edisana ŋkpɔ Jehovah: mmɔ idinimke enye, idinyuŋ ibonke enye: koro udori esie eyekabare edi se mmɔ eke eduŋde ke iso Jehovah edade edia eyuhɔ, enyuŋ esine ata eti edisine-ŋkpɔ.

ISAIAH 49:23

Ndien ndidem eyedi mme andikɔ fi, iban mmɔ eyenyuŋ enɔ fi eba: mmɔ eyetuk iso ke isɔŋ enɔ fi, enyuŋ edei ɔkɔp ukot fo; ndien afo eyefiɔk ete ke ami ndi Jehovah, emi but midinamke mmɔ eke eberede idem ye ami.

MATTHEW 18:24

Ndien ke enye ama ɔkɔtɔŋɔ ndibat, eda owo esɔk enye emi akamade enye thousand talent duop.

MATTHEW 25:17

Kpasuk ntre ŋko owo emi ɔkɔbɔde iba aŋwana iba efen odori.

LUKE 19:13

Ntem ke enye okot owo duop ke otu ikɔt esie, onyuŋ ɔnɔ mmɔ okuk duop, onyuŋ ɔdɔhɔ mmɔ ete, Eda emi enyam urua tutu ndi.

UTOM MME APOSTLE 13:36

Koro ke adaŋemi David akanamde uduak Abasi ke eyo esie ama, enye ede, ndien ebuk enye ye mme ete esie, enye onyuŋ okut mbiara.

1 ŊWED CORINTH 15:10

Edi oto mfɔn Abasi ndi se ndedi: ndien mfɔn emi Abasi ɔnɔde mi ikɔwɔrɔke ikpikpu; edi mmanam utom ŋkan mmɔ kpukpru; inyuŋ idige ami nnam, edi mfɔn Abasi eke odude ye ami anam.

2 ŊWED TIMOTHY 2:6

Ɔtɔ-iŋwaŋ emi akpade utom enyene ndibem iso ndia mbuŋwum iŋwaŋ.