MATTHEW 25:12 - Edisana ñwed Abasi Ibom

¹² Edi enye ɔbɔrɔ ete, Ke akpanikɔ ke ndɔhɔ mbufo, Ndiɔŋɔke mbufo.

MATTHEW 25:12 ပူးပေါင်းရင်းမြစ်များ

ŊWED MME PSALM 1:6

Koro Jehovah ɔfiɔkde usuŋ nti owo: edi usuŋ mme idiɔk owo eyebiara.

ŊWED MME PSALM 5:5

Mbon iseri ididaha fi ke iso: afo asasua kpukpru mme anam idiɔk ido.

HABAKKUK 1:13

Afo amasana enyin akan nte okutde idiɔk, unyuŋ ukemeke ndise utuk: nsinam afo esede mbon abiaŋa, onyuŋ odopde uyo ke ini idiɔk owo osobode owo eke enende akan enye;

MATTHEW 25:11

Edikem nditɔ-iban eken edi edidɔhɔ ete, Ɔbɔŋ, Ɔbɔŋ, sio usuŋ nɔ nnyin.

MATTHEW 25:13

Ekpeme ndien koro mbufo mifiɔkke usen mme hour.

LUKE 13:25

Ke adaŋemi ete-ufɔk adahade ke enyɔŋ eberi usuŋ, ndien mbufo etɔŋɔ ndida ke aŋwa ntuak usuŋ, ete, Ɔbɔŋ, sio usuŋ nɔ nnyin; ndien Enye eyebɔrɔ mbufo ete, Mfiɔkke ebiet eke mbufo etode;

JOHN 10:27

Mme erɔŋ Mi ekop Mi uyo, Ami mmonyuŋ mfiɔk mmɔ, mmɔ enyuŋ etiene Mi.

JOHN 9:31

Nnyin imɔfiɔk ite Abasi ikopke ebeŋe mme idiɔk owo: edi edieke owo eteŋede Abasi, onyuŋ anamde se Abasi amade, Enye okop ebeŋe owo oro.

1 ŊWED CORINTH 8:3

edi edieke owo amade Abasi, Abasi ɔmɔfiɔk enye.

ŊWED MBON GALATIA 4:9

Edi ke emi mbufo ema ekefiɔk Abasi, ŋkpakam ndɔhɔ nte, ke emi Abasi ama ɔkɔfiɔk mbufo, nsinam mbufo efiakde ebine mmeme nditaha mme odudu oro, enyuŋ eyom nditɔŋɔ ntak nduk ufin nnɔ mmɔ?

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.