MATTHEW 24:7 - Edisana ñwed Abasi Ibom

⁷ Koro idut eyedaha aŋwana ye idut, obio edidem kiet enyeyuŋ adaha aŋwana ye obio edidem efen: akaŋ ye unyek-isɔŋ eyenyuŋ edu ke nsio-nsio ebiet.

MATTHEW 24:7 ပူးပေါင်းရင်းမြစ်များ

2 CHRONICLES 15:6

Ndien idut asuan idut, obio onyuŋ anuak obio: koro Abasi adade kpukpru oruk nnaneyin etimere mmɔ.

ISAIAH 19:2

Ndien nyedemere Egypt aŋwana ye Egypt: ndien owo eyeŋwana ye eyen-ete esie, owo ye mbɔhɔ-iduŋ esie; obio ye obio, idut ye idut.

ISAIAH 29:6

Ndien obuma, ye unyek-isɔŋ, ye akwa uyom, ye idio, ye oyobio, ye edemikaŋ eke etade, eyeto Jehovah mme udim, edinam fi.

EZEKIEL 14:21

Koro ntem ke Ɔbɔŋ Jehovah ɔdɔhɔ, ete, Edidi ntem ke akpan-ikɔ, adaŋemi ndidade idiɔk ufen mi mbinaŋ, ofut, ye biɔŋ, ye idiɔk unam, ye idiɔk udɔŋɔ, ndɔŋ mmɔ utom ke Jerusalem, man nsibe owo ye unam ke esit mfep.

EZEKIEL 21:27

Nyeyut, nyeyut, nyeyut enye ŋkabare nnim: emi idinyuŋ iduhe, tutu enye emi edikpede ikpe edi; ndien nyeda nnɔ enye.

ZECHARIAH 14:13

Ndien ama ekem ke usen oro, akwa ndutime eyeto Jehovah osim mmɔ; ndien kpukpru mmɔ kiet kiet eyemum mbɔhiduŋ mmɔ ubɔk, enyuŋ emenere ubɔk mmɔ eŋwana ye ubɔk mbɔhiduŋ mmɔ.

LUKE 21:11

ikpɔ unyek-isɔŋ eyedu; akaŋ ye mme idiɔk udɔŋɔ eyenyuŋ edu ke nsio-nsio ebiet; ŋkpɔ ndik ye ikpɔ idiɔŋɔ eyenyuŋ ewut idem ke ikpa enyɔŋ.

UTOM MME APOSTLE 11:28

Ndien owo mmɔ kiet, emi ekerede Agabus, adaha ke enyɔŋ ada odudu Spirit ayarare ete akamba akaŋ ɔmɔŋ odu ke ofuri ererimbot; akaŋ emi osu ke eyo Claudius.

UTOM MME APOSTLE 2:19

Ndien nyenɔ mme utibe ŋkpɔ ke ikpa-enyɔŋ ke enyɔŋ, Ye mme idiɔŋɔ ke isɔŋ ke idak; Iyip ye ikaŋ ye uye nsuŋikaŋ:

MME HEBREW 12:27

Ikɔ oro ɔdɔhɔde ete, Osuk kaŋa esisit, ɔwɔrɔ ete, eyemen se idide nyek-nyek efep, nte ŋkpɔ eke ekebotde, man mme ŋkpɔ eke midige nyek-nyek esuhɔ.

ERIYARARE 6:12

Ndien ŋkut, ke adaŋemi Enye ama akadianare ɔyɔhɔ ufik-ŋkpɔ itiokiet, nte akwa unyek-isɔŋ otibede, utin onyuŋ akabare ebire nte ɔfɔŋ-ikpo eke edade idet edɔk, ofuri ɔfiɔŋ onyuŋ akabare oyibe nte iyip;

ERIYARARE 6:5

Ke adaŋemi Enye ama akadianare ɔyɔhɔ ufik-ŋkpɔ ita, ŋkop nte ɔyɔhɔ ŋkpɔ-uwem ita ɔdɔhɔde ete, Wɔrɔ di. Ndien ŋkut, ndien sese, obubit enaŋ-mbakara; andidoro enye ke edem onyuŋ enyene udomo-ŋkpɔ ke ubɔk.

ERIYARARE 6:6

Ndien ŋkop nte uyo ke ufɔt ŋkpɔ-uwem inaŋ oro ɔdɔhɔde ete, Idomo ibokpot kiet ke okuk kiet, ye idomo barley ita ke okuk kiet; edi kubiat aran ye wine.

ERIYARARE 6:8

Ndien ŋkut, ndien sese, ntɔŋ-ntɔŋ enaŋ-mbakara, ye andidoro enye ke edem, emi enyiŋ esie ekerede Mkpa; obio ekpo onyuŋ etiene enye ke edem. Ndien enɔ mmɔ odudu ke ubak isɔŋ kiet ke itie inaŋ, ete, eda ofut, ye akaŋ, ye idiɔk udɔŋɔ, ye mme unam ikɔt, ewot mmɔ.