MATTHEW 24:38 - Edisana ñwed Abasi Ibom

³⁸ Koro nte mmɔ ediade enyuŋ eŋwɔŋde ŋkpɔ, edɔde ndɔ enyuŋ edade owo enɔ ndɔ ke mme usen eke ekebemde ukwɔ iso, tutu osim usen emi Noah odukde ke ubom,

MATTHEW 24:38 ပူးပေါင်းရင်းမြစ်များ

GENESIS 6:2

enyuŋ emanade enɔ mmɔ, ndien nditɔ-iren Abasi ekut ndito-iban owo nte eyede, ndien mmɔ eda iban kpukpru eke mmɔ emekde edɔ.

GENESIS 7:23

Enye onyuŋ ɔsɔhi kpukpru se idude uwem ke iso isɔŋ efep, ye owo, ye ufene, ye mme andinyɔni, ye inuen enyɔŋ; onyuŋ ɔsɔhi mmɔ efep ke isɔŋ. Ndien Noah ɔsuhɔ ikpɔŋ, ye mmɔ emi edude ye enye ke ubom.

GENESIS 7:7

Ndien Noah ye nditɔ-iren esie, ye ŋwan esie, ye iban nditɔ-iren esie ŋko eduk ke ubom oro, ete ibɔhɔ mmɔŋ ukwɔ.

MATTHEW 22:30

Koro ke eriset ke mkpa mmɔ idɔhɔ ndɔ inyuŋ idaha mmɔ inɔ ke ndɔ, edi mmɔ etie nte mme angel ke heaven.

LUKE 12:19

Ndien nyedɔhɔ ukpɔŋ mi nte, Ukpɔŋ mi, omobon ediwak ŋkpɔ nte edikemde ediwak isua; da nduɔk-odudu, dia nyuŋ ŋwɔŋ, nyuŋ dat esit.

LUKE 12:45

Edi edieke asaŋutom oro edidɔhɔde ke esit esie ete, Ete-ufɔk mi ebigi eridi, edinyuŋ ɔtɔŋɔde ndimia ifin iren ye ifin iban eken, ndinyuŋ ndia ŋkpɔ, nnyuŋ ŋŋwɔŋ mmin nyuhɔ;

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;