25 Sese, mmebem iso ntiŋ nnɔ mbufo do.
Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.
Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.
Mmɔdo edieke mmɔ edɔhɔde mbufo ete, Sese, Enye odu ke desert; ekuwɔrɔ eka: Sese, Enye odu ke ubet; ekunim ke akpanikɔ.
Emi eyekabare edi ntiense ɔnɔ mbufo.
NTIŊ mme ikɔ emi nnɔ mbufo, mbak owo edisin mbufo eduɔ.
Nte mma ŋkebem iso ndɔhɔ mbufo ke udiana ini emi ndude ye mbufo, ntre ke emi mmonyuŋ nduhe do, mmebem iso ndɔhɔ mmɔ emi eduede ke ini eke ebede, ye kpukpru mmɔ eken, nte ndituaha owo mbɔm ke mma ntɔŋɔ ntak ndi.
