MATTHEW 23:9 - Edisana ñwed Abasi Ibom

⁹ Ekunyuŋ ekot ndomo owo kiet ke isɔŋ, ete, Ete; koro Kiet edi Ete mbufo, kpa Enye emi odude ke heaven.

MATTHEW 23:9 ပူးပေါင်းရင်းမြစ်များ

2 NDIDEM 13:14

Ekem Elisha ɔdɔŋɔ udɔŋɔ esie oro enye akpade ke esit. Ndien Joash edidem Isreal ɔsuhɔre aka ke ɔtɔ esie, akatua enye eyet ke iso, onyuŋ ɔdɔhɔ ete, O ete mi, ete mi, chariot Israel, ye mbon horse esie!

2 NDIDEM 2:12

Ndien adaŋemi Elisha okutde, enye ofiori, ete, Ete mi, ete mi! chariot Israel, ye mbon horse esie. Ndien enye ikwe aba enye. Ndien enye omum ɔfɔŋidem esie, awai ke mbak iba.

2 NDIDEM 6:21

Ndien ke ini edidem Israel okutde mmɔ, enye obup Elisha, ete, Ete mi, nte ŋwot mmɔ? nte ŋwot mmɔ?

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

MATTHEW 23:10

Ekunyuŋ eyak ekot mbufo, ete, Mbɔŋ; koro Kiet edi Ɔbɔŋ mbufo, kpa Christ.

MATTHEW 6:32

Koro mme Gentile eyom kpukpru ŋkpɔ emi: koro Ete mbufo ke heaven ɔmɔfiɔk ete kpukpru ŋkpɔ emi enana mbufo.

MATTHEW 7:11

Mmɔdo edieke mbufo emi ediɔkde efiɔkde ndinɔ nditɔ mbufo nti enɔ, adaŋa didie akan oro ke Ete mbufo emi odude ke heaven edimen nti ŋkpɔ ɔnɔ mmɔ emi ebeŋede Enye?

UTOM MME APOSTLE 22:1

NDITƆ-ETE ye mme ete, ekop ŋkaŋ-idem eke ŋkaŋde nnɔ mbufo.

1 ŊWED CORINTH 4:15

Koro mbufo ekpenyenyene mme andikpep thousand duop ke Christ, mbufo inyeneke ediwak ete; koro edi ami ŋkada gospel mbon mbufo ke Christ Jesus.

2 ŊWED CORINTH 6:18

Nnyuŋ ndi Ete mbufo. Ndien mbufo eyedi nditɔ iren Mi ye nditɔ Mi iban. Ntem ke Jehovah Ata Ɔkpɔsɔŋ ɔdɔhɔ.

MME HEBREW 12:9

Akan oro, nnyin imenyene mme ete obukidem emi eketunɔde nnyin, ndien nnyin iteŋe mmɔ: nte nnyin idisukke ibuot inɔ Ete mme spirit ikan, inyuŋ idu uwem?

1 JOHN 3:1

ESE utɔ akwa ima emi Ete ɔkɔnɔde nnyin, ete nnyin ikpekere nditɔ Abasi: ndien oro ke nnyin inyuŋ idi. Ke ntak emi ererimbot ifiɔkke nnyin, koro mikɔfiɔkke Enye.