MATTHEW 23:5 - Edisana ñwed Abasi Ibom

⁵ Edi mmɔ enam kpukpru mme utom mmɔ man owo ekut: koro mmɔ enam mme phylactery mmɔ eŋwaŋa, enyuŋ enam nyeriye ɔfɔŋ-idem mmɔ ekpon,

MATTHEW 23:5 ပူးပေါင်းရင်းမြစ်များ

2 NDIDEM 10:16

Enye onyuŋ ɔdɔhɔ ete, Saŋa ye ami, nyuŋ se ufup mi emi mfibede nnɔ Jehovah. Ntre ke enye anam enye odoro ke chariot esie.

EXODUS 13:9

Ndien enye eyedu fi ke ubɔk nte idiɔŋɔ fo, eyenyuŋ odu fi ke ufɔt enyin, nte ŋkpɔ eke edade eti, man mbet Jehovah okpodu fi ke inua: koro Jehovah adade ɔkpɔsɔŋ ubɔk osio fi ke Egypt.

MME ŊKE 3:3

Kuyak mfɔnido ye akpanikɔ ekpɔŋ fi: kɔŋɔ mmɔ ke itɔŋ fo; wet mmɔ ke ɔwɔŋ esit fo:

LEVITICUS 13:32

Ndien yak oku ese udɔŋɔ oro ke ɔyɔhɔ usen itiaba; ndien, sese, ikpɔk oro mitarake, uto-uto idet minyuŋ iduhe ke esit, onyuŋ ebiet nte ikpɔk oro mibuhɔke ke esit ikpɔhidem;

MATTHEW 9:20

Ndien sese, ŋwan kiet, emi ɔkɔdɔŋɔdɔ eriwɔrɔ-iyip isua duop-eba, etiene Jesus ke edem edituk nnyeriye ɔfɔŋidem Esie:

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

LUKE 20:47

mmɔ emi ediade ufɔk mme ebe-akpa, enyuŋ ebɔŋde nyan akam ke mbubik: mmɔ eyebɔ ubiom-ikpe emi okponde akan.

JOHN 12:43

Koro mmɔ emama ubɔŋ eke otode owo akan ubɔŋ eke etode Abasi.

JOHN 5:44

Mbufo edikeme didie ndinim ke akpanikɔ, kpa mbufo emi ebɔde ubɔŋ ke ubɔk kiet eken, ndien miyomke ubɔŋ eke otode ke Abasi kierakiet?

JOHN 7:18

Owo eke etiŋde oto idem esie oyom ubɔŋ ɔnɔ idem esie; edi owo eke oyomde ubɔŋ andidɔŋ enye, owo oro edi akpanikɔ, ukwaŋido inyuŋ iduhe enye ke esit.

DEUTERONOMY 11:18

Mbufo eda ndien ikɔ emi esin ke esit mbufo, ye ke ukpɔŋ mbufo, enyuŋ etebe mmɔ edian ke ubɔk mbufo nte idiɔŋɔ, yak mmɔ enyuŋ ena mbufo ke ufɔt enyin ke ŋkpɔ ɔkpɔ-iso.

DEUTERONOMY 22:12

Nam nyeriye ke idem fo sin ke mben ufuhɔ-ŋkpɔ fo mbinaŋ eke afo ɔfuhɔde.

DEUTERONOMY 6:8

Nyuŋ yiri mmɔ ke ubɔk fo man edi idiɔŋɔ, yak enyuŋ edu fi ke ufɔt enyin nte frontlet.

ŊWED MBON PHILIPPI 1:15

Ke akpanikɔ ndusuk mmɔ ekwɔrɔ Christ ke esit ufup ye utɔk, ndusuk ŋko ekwɔrɔ ke eti esit:

ŊWED MBON PHILIPPI 2:3

Ekunam baba ŋkpɔ kiet ke ndomo-idem mme ke ntaŋ-idem, edi yak owo kiet kiet ada nsuhɔre-esit abat ete, owo eŋwen ɔfɔn akan imɔ.

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.