MATTHEW 23:4 - Edisana ñwed Abasi Ibom

⁴ Mmɔ ebɔp ndidobi mbiomo eke esɔŋde ndibiom, edori owo ke afara: edi mmɔ ke idemmɔ inyimeke ndida nnuenubɔk ntuk mmɔ.

MATTHEW 23:4 ပူးပေါင်းရင်းမြစ်များ

ISAIAH 46:1

BEL ɔnuhɔ, Nebo ɔtuhɔ, eda mbiet mmɔ enɔ unam ye ufene: emenere mbiomo mbufo edori; mmɔ edi se mfum-mfum unam obiomde.

MATTHEW 23:23

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo esiode ubak ikɔŋ ye mfri ye mkpasip kiet ke itie duop enɔ Abasi, enyuŋ etrede ndinam ikpɔ ŋkpɔ ibet, ikpe, ye mbɔm, ye mbuɔtidem.

MATTHEW 23:3

mmɔdo mbufo enam enyuŋ enim kpukpru ŋkpɔ eke mmɔ etemede mbufo: edi ekunam nte mmɔ enamde; koro mmɔ edɔhɔ, edi inamke nam.

LUKE 11:46

Edi Enye ete, Eyedɔdiɔk ɔnɔ mbufo, mme ɔfiɔk-ibet ŋko! koro mbufo ebɔpde edidobi mbiomo ebiom owo ke idem, edi mbufo ke idemmbufo idaha nuen-ubɔk kiet ituk mbiomo oro.

UTOM MME APOSTLE 15:10

Nsinam mbufo edomode Abasi ndien, eyom ndida ɔkpɔnɔ ŋkɔŋɔ mbet ke itɔŋ eke mme ete nnyin ye nnyin mikekemeke ndibiom?

UTOM MME APOSTLE 15:28

Koro Edisana Spirit okut ete ɔfɔn, nnyin inyuŋ ikut ite ɔfɔn, nditre ndibiom mbufo mbiomo eŋwen ke idem, ke mibɔhɔke ŋkpɔ ifaŋ emi enyenede ndinam;

ŊWED MBON GALATIA 6:13

Koro kpa mmɔ emi enade mbobi inimke ibet: edi mmɔ eyom mbufo ena mbobi man mmɔ ebure mbure ebaŋa obukidem mbufo.

1 JOHN 5:3

Koro ndima Abasi edi emi, ete, nnyin inim mbet Esie; ndien mbet Esie ibiakke owo idem.

ERIYARARE 2:24

Edi ama edi mbufo eken emi edude ke Thyatira, kpa kpukpru mbufo emi midaha ukpep-ŋkpɔ oro, minyuŋ ifiɔkke udem Satan, nte mmɔ edɔhɔde, ndɔhɔ mbufo ntem nte, Mmenke mbiomo eŋwen mbiom mbufo ke idem;