MATTHEW 23:35 - Edisana ñwed Abasi Ibom

³⁵ man ofuri edinen iyip emi eduɔkde ke isɔŋ ɔkpɔkɔbɔ mbufo, ɔtɔŋɔde ke iyip edinen Abel, tutu osim iyip Zachariah, eyen Barachiah, emi mbufo ekowotde ke ufaŋ emi odude ke ufɔt temple ye itie-uwa.

MATTHEW 23:35 ပူးပေါင်းရင်းမြစ်များ

GENESIS 4:8

Ndien Cain ɔdɔhɔ ikɔ ye Abel, eyen-eka esie: edikem, ke mmɔ edude ke iŋwaŋ, Cain adaha ke enyɔŋ anam ikɔ ye Abel eyen-eka esie, onyuŋ owot enye.

2 NDIDEM 21:16

Ndien ŋko Manasseh ɔkɔduɔk iyip ata ediwak owo eke miduehe isop, tutu ɔyɔhɔ ke Jerusalem, ɔtɔŋɔde ke utit emi tutu osim utit oko; ɔkɔrɔ ye mme idiɔk ido esie oro enye esinde Judah enam, ke erinam idiɔk ke iso Jehovah.

2 NDIDEM 24:4

ndien ŋko Jehovah inyimeke ndidahado ke ikpikpu iyip oro enye ɔkɔduɔkde; koro enye ama anam ikpikpu iyip ɔyɔhɔ ke Jerusalem.

ISAIAH 14:21

Mbufo etim mkpa afai enɔ nditɔ esie, ebaŋa mme idiɔk ido mme ete mmɔ; ekuyak mmɔ edaha ke enyɔŋ eda ererimbot enyene, enyuŋ ebɔp obio eyɔhɔ ke iso isɔŋ.

ISAIAH 26:21

Koro, sese, Jehovah ɔmɔŋ oto ke ebiet esiemɔ ɔwɔrɔ, ete inɔ ererimbot ufen ibaŋa mme idiɔk ido mmɔ: ndien isɔŋ eyeyarare iyip esie, idinyuŋ ifukke aba nditɔ esie emi ekpaŋade afai.

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

JEREMIAH 2:34

Owo enyuŋ ekut iyip ukpɔŋ mme ubuene eke miduehe, ke ekura fo ŋko. Idige ke eriduŋɔre ke ŋkut mmɔ, edi ŋkut ke kpukpru mme mmɔ emi.

JEREMIAH 26:15

Edi mbufo etim efiɔk, ete ke edieke mbufo ewotde mi, ke mbufo eda iyip owo eke miduehe edori ke idem mbufo, ye ke obio emi, ye ke mme andiduŋ enye: koro ke akpanikɔ ke edi Jehovah ɔdɔŋ mi utom ke ɔtɔ mbufo, ete ntiŋ kpukpru ikɔ emi ke utɔŋ mbufo.

JEREMIAH 26:23

Ndien mmɔ eda Uriah ke Egypt esio, enyuŋ emen enye esɔk edidem Jehoiakim; ndien enye owot enye ke ofut, onyuŋ emen okpo esie ɔduɔk esin ke udi mbio-obio.

JEREMIAH 26:8

Edikem adaŋoro Jeremiah ama eketiŋ kpukpru se Jehovah okowukde, ete enye etiŋ ɔnɔ kpukpru owo, ndien mme oku, ye mme prophet, ye kpukpru owo emum enye, ete, Afo emenyene ndikpa.

ZECHARIAH 1:1

KE ɔyɔhɔ ɔfiɔŋ itiaita, ke udiana-akpa isua Darius, uyo Jehovah osim Zechariah, eyen Berechiah, eyen Iddo prophet, ete,

NUMBERS 35:33

Ndien ŋko mbufo ekubiat isɔŋ emi mbufo edude ke esit: koro iyip abiatde isɔŋ: ndien mmɔ idikemeke ndisio isop nnɔ isɔŋ mbaŋa iyip eke eduɔkde ke esit, ke mibɔhɔke ke iyip owo eke ɔduɔkde enye.

LUKE 11:51

ɔtɔŋɔde ke iyip Abel tutu osim iyip Zechariah, emi ekowotde ke ufɔt itie-uwa ye esit-esit Ufɔk Abasi: ke akpanikɔ ke ndɔhɔ mbufo, eyekpak iyip mmɔ ke ubɔk emana emi.

UTOM MME APOSTLE 5:28

Ndien akwa oku obup mmɔ ete, Nnyin ima isɔŋ uyo ikpan mbufo, ite ekukpep aba ŋkpɔ ke enyiŋ emi: ndien sese, emɔyɔhɔ Jerusalem ye ukpep-ŋkpɔ mbufo, enyuŋ eyom iyip owo emi ɔkɔbɔ nnyin.

MME HEBREW 11:4

Oto mbuɔtidem Abel ada uwa eke ɔfɔnde akan eke Cain awa ɔnɔ Abasi, emi otode ke esit etiŋ ikɔ edian enye, ete, enye edi edinen owo; Abasi ke Idem Esie edi ntiense abaŋa enɔ esie; ndien oto do enye osuk etetiŋ ikɔ, okposuk edi nte enye ama akakpa.

MME HEBREW 12:24

ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.

ERIYARARE 18:24

ndien ke obio emi ema ekut iyip mme prophet ye nti ikɔt Abasi, ye iyip kpukpru mmɔ emi owo ekewotde ke isɔŋ.