MATTHEW 23:31 - Edisana ñwed Abasi Ibom

³¹ Mmɔdo mbufo edi ntiense edian idem mbufo, ete mme imɔ idi nditɔ mmɔ emi ekowotde mme prophet.

MATTHEW 23:31 ပူးပေါင်းရင်းမြစ်များ

ŊWED MME PSALM 64:8

Ndien emeduɔk mmɔ ke isɔŋ; edeme mmɔ omosim mmɔ; kpukpru owo eke ekutde mmɔ efeŋe.

ŊWED ESEME 4:13

Mme idiɔk ido mme prophet esie, mme ukwaŋ-ŋkpɔ mme oku esie, eke ekeduɔkde iyip mme andinen owo ke ufɔt esie,

MATTHEW 23:30

enyuŋ edɔhɔde ete, Edieke nnyin ikpodude ke mme usen mme ete nnyin, nnyin ikpetieneke mmɔ ibuana ke iyip mme prophet.

MATTHEW 23:32

Mbufo enyuŋ enam idomo idiɔk-ŋkpɔ mme ete mbufo ɔyɔhɔ ndien.

MATTHEW 23:34

Mmɔdo sese, Ami mmosio mme prophet ye mme ɔfiɔk-ŋkpɔ owo ye mme scribe ndɔŋ ke ɔtɔ mbufo; mbufo eyewot, enyuŋ ekɔŋ ndusuk mmɔ ke cross; mbufo eyenyuŋ emia ndusuk mmɔ ke synagogue mbufo, enyuŋ ekɔbɔ ebine mmɔ ke obio ke obio:

MATTHEW 23:37

O Jerusalem, Jerusalem, emi owotde mme prophet, onyuŋ ɔtɔŋɔde mmɔ eke edɔŋde etiene fi ke itiat. Adaŋa ediwak ini didie ke ŋkoyom ndibon nditɔ fo ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke.

LUKE 19:22

Ɔbɔŋ ɔdɔhɔ owo oro ete, Nyeda ikɔ-inua fo ŋkpe ikpe nnɔ fi, afo idiɔk owo. Ama ɔfiɔk ete ndi owo nsɔŋ-ido, emi ntaŋde se mmeŋkonimke, nnyuŋ ndɔkde se mme ŋkɔtɔhɔ;

JOSHUA 24:22

Ndien Joshua ɔdɔhɔ mbon oro, ete, Mbufo edi mme ntiense ebaŋa idem mbufo, ete ke mbufo ema emek Jehovah ke idem mbufo, ete inam ŋkpɔ esie. Ndien mmɔ enyime ete, Nnyin idi mme ntiense.