MATTHEW 23:26 - Edisana ñwed Abasi Ibom

²⁶ Afo nnan Pharisee, bem iso yet esit cup ye usan asana, man edem esie onyuŋ akabare asana ŋko.

MATTHEW 23:26 ပူးပေါင်းရင်းမြစ်များ

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

JEREMIAH 13:27

Mmokut efibe fo, ye uyo use fo, ye nte afo asaŋade akpara oburobut, ye mbubiam fo ke enyɔŋ ikpɔ obot ke iŋwaŋ. Osuk ɔdɔdiɔk ɔnɔ fi, Jerusalem; adaŋa didie ke afo edisuk esin ndisana?

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

MATTHEW 12:33

Enam eto ɔfɔn, enyuŋ enam mfri esie ɔfɔn; midige ntre, enam eto edi mbiara, enyuŋ enam mfri esie edi mbiara ŋko: koro eda mfri efiɔk eto.

MATTHEW 14:8

Ndien nte eka esie eketemede enye, eyen-aŋwan ete, Sin ibuot John Baptist ke usan nɔ mi.

MARK 7:4

ndien ke ini mmɔ etode ke urua edi, mmɔ idiaha ŋkpɔ ke miyereke mmɔŋ: ediwak ido efen enyuŋ edu eke mmɔ ebɔde emum ekama, nte eriyet cup ye eso ye ŋkpɔ okpoho.

LUKE 11:39

Edi Ɔbɔŋ ɔdɔhɔ enye ete, Ke emi ke mbufo mme Pharisee enanam edem cup ye usan asana; edi esit mbufo ɔyɔhɔ ye ŋwo ye udu.

LUKE 6:45

Eti owo osioŋo se ifɔnde ke nti ŋkpɔ eke enye okobonde ke esit esie; idiɔk owo onyuŋ osioŋo se idiɔkde ke mme idiɔk ŋkpɔ eke enye okobonde ke esit esie; koro oto ke uyɔhɔ esit ndien inua etiŋ.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.