MATTHEW 22:16 - Edisana ñwed Abasi Ibom

¹⁶ Ndien mmɔ esio mbet mmɔ ye mme Herodian edɔŋ ke ɔtɔ Esie, ete, Andikpep, nnyin imɔfiɔk ite Afo edi akpanikɔ, onyuŋ ekpep owo usuŋ Abasi ke akpanikɔ, unyuŋ ukereke owo; koro Afo uteŋeke owo enyin.

MATTHEW 22:16 ပူးပေါင်းရင်းမြစ်များ

1 NDIDEM 22:14

Ndien Micaiah ɔdɔhɔ ete, Ma uwem Jehovah, se Jehovah edidɔhɔde mi, oro ke nditiŋ.

ŊWED MME PSALM 12:2

Mmɔ esu nsu enɔ mbɔhiduŋ mmɔ; eda nnem-inua ke esit iba etiŋ ikɔ.

ŊWED MME PSALM 5:9

koro baba akpanikɔ miduhe enye ke inua; ɔwɔŋ esit mmɔ ɔmɔdiɔk eti; odudu itɔŋ mmɔ edi ana-iŋwaŋ udi; mmɔ eyaŋ ke edet.

ŊWED MME PSALM 55:21

Inua esie emem akan mmɔŋ-eba, edi ekɔŋ odu enye ke esit: ikɔ esie edɔbɔ ekan aran, edi mmɔ edi ofut afai.

MME ŊKE 29:5

Owo eke enemde inua abaŋa mbɔhiduŋ esie ɔkɔbi iyire ɔnɔ ikpat ukot esie.

MALACHI 2:6

Ewuhɔ akpanikɔ okodu enye ke inua, ndien ikwe ukwaŋ-ŋkpɔ ke mkpɔk-inua esie enye asaŋa ye ami ke emem ye ke edinen ido, onyuŋ akabare ediwak owo ke idiɔk ido efep.

MALACHI 2:9

Ndien ami ŋko mmonyuŋ nnim mbufo ke se kpukpru owo esede ke ndek ye ke mbukpo, kpa nte mbufo minimke ido mi, edi eteŋe owo enyin ke ewuhɔ.

MATTHEW 22:24

ete, Andikpep, Moses ɔkɔdɔhɔ ete, Edieke owo akpade, ndien minyeneke eyen, yak eyen-ete esie ada ŋwan esie ɔdɔ, asiak ubon ɔnɔ eyen-ete esie.

MATTHEW 22:26

Ɔwɔrɔ kpasuk ntre ye udiana, ye ɔyɔhɔ ita, tutu osim ɔyɔhɔ itiaba.

MATTHEW 26:18

Ndien Enye ɔdɔhɔ mmɔ ete, Eduk ke obio, etiene owo ntem, enyuŋ edɔhɔ enye ete, andikpep ete, Ini Mi ke ekpere; mmɔŋ nnim passover ke ufɔk fo ye mbet Mi.

MATTHEW 26:49

Ntem enye etiene Jesus ini kiet, ete Enye, Mmɔkɔm Fi, Rabbi, onyuŋ otim Enye inua.

MARK 10:17

Ekem nte Jesus ɔwɔrɔde oduk usuŋ, owo kiet efehe etiene Enye, ɔtɔŋɔ edɔŋ ɔnɔ Enye, onyuŋ obup Enye ete, Eti Andikpep, ndinam nso man nnyene nsinsi uwem?

MARK 12:13

Ekem mmɔ esio ndusuk mme Pharisee ye mme Herodian edɔŋ ke ɔtɔ Esie, man mmɔ ekpemum Enye ikɔ-inua.

MARK 12:14

Ke ini mmɔ edide, edɔhɔ Enye ete, Andikpep, nnyin imɔfiɔk ite Afo edi akpanikɔ, unyuŋ ukereke owo; koro Afo uteŋeke owo enyin, edi ekpep owo usuŋ Abasi ke akpanikɔ. Nte enen ndinɔ Caesar utomo, mme inenke? Nte nnyin inɔ, mme ikunɔ?

MARK 3:6

Edi mme Pharisee ewɔŋɔ ekeduk odu idaha oro ye mme Herodian ebaŋa Enye, eyom usuŋ nte mmɔ edisaŋade ewot Enye.

MARK 8:15

Ndien Jesus ɔsɔŋɔ ɔdɔhɔ mmɔ, ete, Etiŋ enyin ekpeme idem mbak leaven mme Pharisee ye leaven Herod.

LUKE 20:21

Mmɔ oro enyuŋ ebup Enye ete, Andikpep, nnyin imɔfiɔk ite Afo etiŋ onyuŋ ekpep owo ŋkpɔ ke ido eke enende, unyuŋ uteŋeke owo enyin, edi eteme owo usuŋ Abasi ke akpanikɔ;

LUKE 7:40

Ndien Jesus ɔbɔrɔ enye ete, Simon, mmenyene ŋkpɔ nditiŋ nnɔ fi.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

JOHN 7:18

Owo eke etiŋde oto idem esie oyom ubɔŋ ɔnɔ idem esie; edi owo eke oyomde ubɔŋ andidɔŋ enye, owo oro edi akpanikɔ, ukwaŋido inyuŋ iduhe enye ke esit.

2 ŊWED CORINTH 2:17

Ndien anie ekeme ndinam utɔ utom oro? Nnyin imekeme; koro nnyin itiehe nte ediwak owo emi enyanyam ikɔ Abasi eŋwana udori; edi itiŋ ikɔ ke Christ ke iso Abasi, nte owo emi edide owo akpanikɔ ye owo Abasi etiŋde.

2 ŊWED CORINTH 4:2

edi imakpaŋa nsa ye ndibe-ndibe ido eke enyenede but, isaŋake ke ŋkari, inyuŋ idaha nsu ibuak ye ikɔ Abasi; edi ke erisian se idide akpanikɔ aŋwa-aŋwa, ke inam kpukpru owo efiɔk ke esit mmɔ, ete nnyin inanam se inende ke iso Abasi.

2 ŊWED CORINTH 5:16

Ntre ɔtɔŋɔde ke emi nnyin ifiɔkke owo ke ido obukidem; ekpedi nte ikɔfiɔkde Christ ke ido obukidem, ifiɔkke Enye aba ke usuŋ oro.

ŊWED MBON GALATIA 1:10

Koro nte nyoyom owo enen iso ye ami, mme nte nyoyom Abasi enen iso ye ami ke emi? mme nte ŋwaŋwana ndinem owo esit? Edieke ŋkposuk nnemde owo esit, ŋkpedige owo Christ.

ŊWED MBON GALATIA 2:6

Edi mmɔ oro ebatde ke ikpɔ owo (mmɔ edi se ededi, ibeheke mi do; Abasi iteŋeke owo enyin)—mme ɔwɔrɔ-etop oro ikɔrɔke mi baba obufa item kiet;

DEUTERONOMY 33:9

emi ɔdɔhɔde abaŋa ete esie ye eka esie, ete, Nsehe enye; minyuŋ idiɔŋɔke nditɔ-eka esie, minyuŋ ifiɔkke nditɔ esiemɔ: koro mmɔ ekpemede ikɔ Fo, enyuŋ enimde ediomi Fo.

1 ŊWED THESSALONICA 2:4

edi nte Abasi okodomode nyin ɔfiɔk, ete nyin imodot nte Imɔ ikpayakde gospel isin nnyin ke ubɔk, ntem ke nnyin itiŋ; itiŋke man inem owo esit, edi ndinem Abasi emi odomode esit nnyin ese.

JAMES 3:17

Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.