MATTHEW 21:42 - Edisana ñwed Abasi Ibom

⁴² Jesus ɔdɔhɔ mmɔ ete, Nte akanam mbufo ikotke ŋwed, ete, Itiat emi mme ɔbɔp-ufɔk esinde Amakabare edi etubom inuk: Emi oto Jehovah, Nnyin inyuŋ ise enye ke utibe?

MATTHEW 21:42 ပူးပေါင်းရင်းမြစ်များ

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

HABAKKUK 1:5

Mbufo ese ke otu mme idut, enyuŋ etiŋ enyin, enyuŋ eyik, enyuŋ enyene ndyɔ: koro mmɔŋ nnam erinam ke eyo mbufo, eke mbufo midinimke ke akpanikɔ ke owo editiŋde.

MATTHEW 21:43

Mmɔdo ndɔhɔ mbufo nte, Eyebɔ mbufo Obio Ubɔŋ Abasi, eyak enɔ idut emi ediŋwumde mfri esie.

UTOM MME APOSTLE 4:11

Jesus edi itiat emi mbufo mme andibɔp ufɔk ekesinde, emi amakabare edi etubom inuk.

ŊWED MBON ROME 9:33

Mmɔ etuak ukot eduɔ ke itiat iduɔ; kpa nte ewetde ete, Sese mmonim itiat iduɔ ke Zion, Ye akwa itiat emi anamde owo ɔduɔ; Owo eke ɔbuɔtde idem ye Enye idinyuŋ ikwe but.

ŊWED MBON EPHESUS 2:20

ema ebɔp mbufo edori kenyɔŋ ukot-ufɔk emi edide mme apostle ye mme prophet, Christ Jesus ke Idem Esie onyuŋ edi akan itiat inuk: