MATTHEW 21:35 - Edisana ñwed Abasi Ibom

³⁵ Ndien mme ekpeme-iŋwaŋ emum mme isuŋutom esie, emia kiet, enyuŋ ewot efen, enyuŋ etɔŋɔ efen ke itiat.

MATTHEW 21:35 ပူးပေါင်းရင်းမြစ်များ

1 NDIDEM 18:13

Nte iketiŋkde inɔ ɔbɔŋ mi se ŋkanamde ke ini Jezebel okowotde mme prophet Jehovah, nte ŋkadade mme prophet Jehovah ndip owo ikie, aba ye duop, aba ye duop, ke aba itiat, nnyuŋ mbɔk mmɔ ke uyo ye mmɔŋ?

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

1 NDIDEM 19:10

Elijah? Ndien enye ɔdɔhɔ ete, Mma mfibe ufup eti-eti nnɔ Jehovah Abasi mme udim: koro nditɔ Israel emekpɔŋ ediomi fo, emewuri mme itie-uwa fo, eme-nyuŋ ewot mme prophet fo ke ofut; ndien ami nsuk ikpɔŋ ke idem mi; ndien mmɔ ke enyuŋ eyom uwem mi ndibɔ.

1 NDIDEM 19:2

Ndien Jezebel ɔdɔŋ isuŋ ɔkɔdɔhɔ Elijah, ete, Yak mme abasi enam ntem, yak mmɔ enyuŋ enam eka iso, ke mmendinamke uwem fo etie nte uwem owo mmɔ oro kiet, ke adaŋa ini ntem mkpɔŋ.

1 NDIDEM 22:24

Edi Zedekiah eyen Chenaanah asaŋa ekpere okoyibi Micaiah ke mfuk, onyuŋ ɔdɔhɔ ete, Ke usuŋ ewe ke spirit Jehovah ɔkpɔŋ mi, ebe editiŋ ikɔ inɔ fi?

2 CHRONICLES 16:10

Ndien Asa ayat esit ye okut-ŋkukut oro, onyuŋ esin enye ke ufɔk ebuka; koro enye akpahade esit ye enye abaŋa ŋkpɔ emi. Asa onyuŋ otuk ndusuk mbio-obio suk ini oro.

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

JEREMIAH 26:8

Edikem adaŋoro Jeremiah ama eketiŋ kpukpru se Jehovah okowukde, ete enye etiŋ ɔnɔ kpukpru owo, ndien mme oku, ye mme prophet, ye kpukpru owo emum enye, ete, Afo emenyene ndikpa.

JEREMIAH 37:15

Ndien mbɔŋ oro ekpahesit ye Jeremiah, enyuŋ emia enye, enyuŋ eda enye esin ke ŋkpɔkɔbi ufɔk Jonathan ewet ŋwed: koro mmɔ ekenimde enye ke ufɔk ukwak.

MATTHEW 21:34

Edi ke adaŋemi ini mbuŋwum ekperede, enye osio mme isuŋutom ɔdɔŋ ke ɔtɔ mme ekpeme-iŋwaŋ, ete ebɔ mbuŋwum imɔ.

MATTHEW 21:36

Enyene-iŋwaŋ ɔtɔŋɔ ntak osio mme isuŋutom efen ɔdɔŋ emi ewakde ekan mme ebemiso: ndien enam ye mmɔ oro kpasuk ntre.

MATTHEW 5:12

Edaresit, edara eti-eti: koro utip mbufo ke Heaven omokpon: koro kpa ntre ke mmɔ ekanam mme prophet emi ebemde mbufo iso edu isin enyin.

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

ERIYARARE 6:9

Ke adaŋemi Enye ama akadianare ɔyɔhɔ ufik-ŋkpɔ ition, ŋkut ke idak itie-uwa mme ukpɔŋ owo emi ekewotde kabaŋa ikɔ Abasi ye ikɔ-ntiense eke mmɔ enyenede.