MATTHEW 21:21 - Edisana ñwed Abasi Ibom

²¹ Edi Jesus ɔbɔrɔ mmɔ ete, Ke akpanikɔ ke ndɔhɔ mbufo, edieke mbufo enyenede mbuɔtidem, minyuŋ iyikke, idige se enamde ye eto fig emi ikpɔŋ ke mbufo edinam, edi edieke mbufo edɔhɔde kpa obot emi ete, Wuhɔre, kɔduɔ sine ke akwa inyaŋ, eyewɔrɔ osu.

MATTHEW 21:21 ပူးပေါင်းရင်းမြစ်များ

MATTHEW 14:29

Jesus ete enye, Di. Ndien Peter ɔsuhɔre ke ubom, onyuŋ asaŋa ke enyɔŋ mmɔŋ, ete itiene Jesus.

MATTHEW 17:20

Edi Enye ɔdɔhɔ mmɔ ete, Oto ke ntak ekpri mbuɔtidem mbufo.

MATTHEW 21:20

Ndien idaha oro eto fig eyemere akpa. Edi ke ini mbet ekutde emi, mmɔ eyik eti-eti, ete, Eto fig eyemere didie akpa ini kiet ntre?

MATTHEW 8:12

edi eyeduɔk nditɔ Obio Ubɔŋ ke ekim ke aŋwa-aŋwa: do ke eritua eyet ye erita edet eyedu.

1 ŊWED CORINTH 13:2

Ŋkponyuŋ nnyene ukeme ndisiak uduak Abasi, ndinyuŋ mfiɔk kpukpru ndibe-ndibe ŋkpɔ ye kpukpru ifiɔk; ŋkponyuŋ nnyene ɔyɔhɔ mbuɔtidem, tutu ŋkeme ndimen ikpɔ obot ke itie nduɔk, ndien nnyeneke ima, ndige baba ŋkpɔ kiet.

JAMES 1:6

Edi yak enye ebeŋe ke mbuɔtidem, okuyok; koro owo eke oyokde ebiet mbufut mmɔŋ, eke ofim eberide, emen, otop, ɔduɔk ko.