MATTHEW 20:6 - Edisana ñwed Abasi Ibom

⁶ Edi ke ini ekperede ɔyɔhɔ hour ition ke mbubreyo enye ɔwɔrɔ okut owo efen edade do, onyuŋ ɔdɔhɔ mmɔ ete, Nsinam mbufo ekadade mi ɔfuri usen efen-efen?

MATTHEW 20:6 ပူးပေါင်းရင်းမြစ်များ

MME ŊKE 19:15

Ifu anam ɔkpɔsɔŋ idap ɔduɔ owo ke idem: ndien owo nuɔn eyetie biɔŋ.

ECCLESIASTES 9:10

Da odudu fo nam kpukpru se ubɔk fo okutde ndinam: koro baba erinam, baba uduak, baba ifiɔk, baba mbufiɔk miduhe ke obio ekpo emi afo akade do.

EZEKIEL 16:49

Sese, emi ekedi idiɔk ido Sodom eyen-uka, iseri, ke uyuhɔ udia, ye ata ifure ekenyene enye ye nditɔ-iban esie, ndien enye isɔŋke eyen ukut ye ubuene ubɔk.

MATTHEW 20:5

Ke ini ekperede ufɔt uwemeyo, ye ebe ufɔt uwem-eyo hour ita, enye ɔtɔŋɔ ntak ɔwɔrɔ anam kpasuk ntre.

MATTHEW 20:7

Mmɔ ete enye, Koro baba owo kiet mikekpehe nnyin utom.

MATTHEW 20:9

Ndien ke ini mmɔ emi ekokotde mmɔ ke ini ekperede ɔyɔhɔ hour ition ke mbubreyo edide, mmɔ ebɔ owo kiet okuk kiet, owo kiet okuk kiet.

JOHN 9:4

Nnyin inyene ndinam utom Andidɔŋ Mi ke ini edide uwemeyo: ŋkut-eyo ke edi, eke baba owo kiet mikemeke ndinam utom ke esit.

UTOM MME APOSTLE 17:21

Koro kpukpru mbio Athens ye isen owo eke edaŋde do idaha ini mmɔ inam ŋkpɔ efen ibɔhɔke nditiŋ mbufa ŋkpɔ ndinyuŋ ŋkop mbufa ŋkpɔ.

MME HEBREW 6:12

man mbufo ekukop ifem, edi edi mendikpebe mmɔ emi ekesaŋade ke mbuɔtidem ye ime ebɔ mme uŋwɔŋɔ Abasi enyene.