MATTHEW 20:26 - Edisana ñwed Abasi Ibom

²⁶ Ididige ntre ke otu mbufo; edi owo ekedede eke oyomde ndikabare ŋkpon ke otu mbufo eyedi asaŋa-utom mbufo;

MATTHEW 20:26 ပူးပေါင်းရင်းမြစ်များ

EZEKIEL 24:13

Oburobut ido odu ke ndek fo: koro nnamde fi edi edisana, ndien afo usanake, idisioho aba fi ndek fo ke idem inam asana, tutu nda ifuresit mi ndori fi ke idem.

MATTHEW 20:27

owo ekededi eke onyuŋ oyomde ndidi ebe-iso owo ke otu mbufo eyeduk ufin ɔnɔ mbufo

MATTHEW 25:44

Ekem mmɔ ŋko eyebup Enye ete, Ɔbɔŋ, ini ewe ke nnyin ikokut Fi etiede biɔŋ, me nte itɔŋ asatde Fi, me nte edide esen, me iferi, me nte ɔdɔŋɔde, me nte etiede ke ufɔk-ŋkpɔkɔbi, ndien nnyin itre ndinam ŋkpɔ nnɔ Fi?

MATTHEW 27:55

Ndien ediwak iban, emi ekotode ke Galilee esaŋa ye Jesus ese ebaŋa Enye, edu do, eda nsan nsan ese;

MARK 10:43

Edi idige ntre ke otu mbufo: edi owo ekededi eke oyomde ndikabare ŋkpon ke otu mbufo eyedi asaŋutom mbufo;

MARK 10:45

Koro Eyen Owo ke Idem Esie ikedige man enam ŋkpɔ enɔ Enye, edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

MARK 9:35

Ndien Enye etetie, okot mbet duopeba edi, onyuŋ ɔdɔhɔ mmɔ ete, Edieke owo ekededi oyomde ndidi ebe iso, enye enyene ndikpere edem, ndinyuŋ nsaŋa utom nnɔ kpukpru mmɔ eken,

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

LUKE 22:26

Edi inyeneke ndidi ntre ye mbufo: yak enye emi okponde akan ke otu mbufo akabare etie nte eyenɔwɔŋ; enye emi onyuŋ edide etubom akabare etie nte anam-utom.

JOHN 18:36

Jesus ɔbɔrɔ ete, Obio Ubɔŋ Mi idige eke ererimbot emi: edieke Obio Ubɔŋ Mi ekpedide eke ererimbot emi, ikɔt Mi ekpe-ŋwana eŋwan, mbak ediyak Mi esin mme Jew ke ubɔk: edi Obio Ubɔŋ Mi itoho do.

UTOM MME APOSTLE 13:5

Ndien ke ini mmɔ edude ke Salamis, mmɔ ekwɔrɔ ikɔ Abasi ke mme synagogue mme Jew: mmɔ enyuŋ enyene John nte asaŋutom mmɔ.

2 ŊWED CORINTH 1:24

Idige nte nnyin idedi mme andikara mbufo ke ŋkpɔ mbuɔtidem, edi nte idedi mme andiŋwam mbufo ndiyene idaresit. Koro ke mbuɔtidem ke mbufo edada.

2 ŊWED TIMOTHY 1:18

Ɔbɔŋ akpakam ayak enye okut mbɔm ke ubɔk Ɔbɔŋ ke usen oro. Afo omonyuŋ otim ɔfiɔk adaŋa nte enye anamde ediwak ŋkpɔ ɔnɔ mi ke Ephesus.

PHILEMON 1:13

Ŋkpama ndida enye nnim ete odu ye ami, man enye etie ke ibuot fo anam ŋkpɔ ɔnɔ mi ke itie ŋkpɔkɔbi mi kabaŋa gospel;

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?

1 PETER 4:11

Edieke owo etiŋde ikɔ, yak enye etiŋ nte etiŋ ikɔ Abasi: ŋko, edieke owo anamde ŋkpɔ ɔnɔ ekemmɔ owo yak enye anam nte ada odudu eke Abasi ɔnɔde anam; man ke kpukpru ŋkpɔ Abasi edinyene ubɔŋ oto ke Jesus Christ. Ubɔŋ ye erikara enyene Enye ke nsinsi-nsinsi. Amen.

1 PETER 5:3

ekunyuŋ ebre odudu ye mmɔ emi ekeyakde esin mbufo ke ubɔk, edi enim idem nte uwut-ŋkpɔ enɔ mme erɔŋ.

ERIYARARE 17:6

Ndien ŋkut ŋwan oro nte ɔŋwɔŋde iyip nti ikɔt Abasi ye eke mme ntiense Jesus ɔyuhɔ. Ke adaŋemi ŋkutde enye, idem akpa mi eti-eti.