MATTHEW 20:25 - Edisana ñwed Abasi Ibom

²⁵ Edi Jesus okot mmɔ edi, onyuŋ ɔdɔhɔ mmɔ ete, Mbufo efiɔk ete, mme andikara mme Gentile esɔŋ ubɔk ekara mmɔ, ikpɔ owo mmɔ enyuŋ ebre odudu ye mmɔ.

MATTHEW 20:25 ပူးပေါင်းရင်းမြစ်များ

DANIEL 3:15

Edi edieke mbufo enyimede ndien ndiduɔŋɔ ke isɔŋ nnyuŋ ntuak ibuot nnɔ owo o-gold emi ŋkowukde, ke adaŋemi mbufo edikopde uyo obukpoŋ, ye ifiom, ye harp, ye sacbut, ye psaltery, ye dulcimer, ye kpukpru oruk ndido, ɔfɔn: edi mbufo mituakke ibuot, ke ndo-ndo emi eyemen mbufo eduɔk ke akwa ikaŋ eke asakde; ndien ewe abasi odu eke edikemede ndinyaŋa mbufo nsio mi ke ubɔk?

DANIEL 5:19

ndien ubom oro Enye ɔkɔnɔde enye esin kpukpru mme idut ye obio ye usem edikhe enye, enyuŋ enyek ke iso esie; enye owot owo eke enye amade, onyuŋ ada owo eke enye amade onim ke uwem; ofori mmɔ eke enye amade, onyuŋ ɔsuhɔre mmɔ eke enye amade.

MATTHEW 11:29

Emen ɔkpɔnɔ Mi ekɔŋɔ ke itɔŋ mbufo, enyuŋ ekpebe Mi; koro mme-nyene ifure-ifure ido nnyuŋ nsuhɔre idem ke esit; ndien mbufo eyekut nduɔk-odudu enɔ ukpɔŋ mbufo.

MATTHEW 20:24

Edi ke adaŋa emi mbet duop ekopde, esit ayat mmɔ kabaŋa nditɔ-eka iba oro.

MARK 10:42

Edi Jesus okot mmɔ edi, onyuŋ ɔdɔhɔ mmɔ ete, Mbufo efiɔk ete mmɔ emi owo ebatde nte mme andikara mme Gentile esɔŋ ubɔk ekara mmɔ; ikpɔ owo mmɔ enyuŋ ebre odudu ye mmɔ.

1 PETER 5:3

ekunyuŋ ebre odudu ye mmɔ emi ekeyakde esin mbufo ke ubɔk, edi enim idem nte uwut-ŋkpɔ enɔ mme erɔŋ.