MATTHEW 20:18 - Edisana ñwed Abasi Ibom

¹⁸ Sese, nnyin imɔŋ idɔk ika Jerusalem; ndien eyeda Eyen Owo eyak enɔ ikpɔ oku ye mme scribe, mmɔ eyenyuŋ ebiom Enye ikpe,

MATTHEW 20:18 ပူးပေါင်းရင်းမြစ်များ

MATTHEW 10:4

Simon emi edide Zealot, ye Judas Iscariot, emi onyuŋ adade Jesus ɔnɔ.

MATTHEW 16:21

Toto ke ini oro Jesus ɔtɔŋɔ ndiwut mbet Esie ete, Imɔ inyene ndika ke Jerusalem ŋkokut ediwak ukut ke ubɔk mbiowo ye ikpɔ oku ye mme scribe; mmɔ eyenyuŋ ewot Imɔ, ndien ke ɔyɔhɔ usen ita Abasi eyenam Imɔ iset.

MATTHEW 26:2

Enye ɔdɔhɔ mbet Esie ete, Mbufo efiɔk ete, usen iba ema ebe, passover edi, ndien ema eda Eyen Owo enɔ, ete ewot Enye ke cross.

MATTHEW 26:66

Mmɔ ebɔrɔ ete, Enye edue isop mkpa.

MATTHEW 27:1

EDI ke ini eyo esierede, kpukpru ikpɔ oku ye mbiowo obio eduk ediomi ebaŋa Jesus, ete iwot Enye:

LUKE 22:71

Mmɔ ete, Nnyin iyom nso ye ntiense efen? nnyin ke idem nnyin imokop ikɔ ke inua Esie.

UTOM MME APOSTLE 2:23

ke ɔkpɔsɔŋ uduak ye mbe-iso ifiɔk Abasi ke ekeda kpa Jesus emi eyak ke ubɔk mme anana-ibet, ekɔŋ ke cross ewot.