MATTHEW 2:8 - Edisana ñwed Abasi Ibom

⁸ Enye onnyuŋ ɔdɔŋ mmɔ eka Bethlehem, ete mmɔ, Eka ekotim ebup ebaŋa nsek eyen emi; ndien ema ekut Enye, edi edidɔhɔ mi, man ami ŋko ŋka ŋkatuak ibuot nnɔ Enye.

MATTHEW 2:8 ပူးပေါင်းရင်းမြစ်များ

2 SAMUEL 17:14

Ndien Absalom, ye kpukpru owo Israel edɔhɔ ete, Item Hushai Arkite ɔfɔn akan item Ahithophel. Koro Jehovah okonimde ete edi ntre, man enye asuan eti item Ahithophel, kpaŋ Jehovah akpanam idiɔk-ŋkpɔ osim Absalom.

1 NDIDEM 19:2

Ndien Jezebel ɔdɔŋ isuŋ ɔkɔdɔhɔ Elijah, ete, Yak mme abasi enam ntem, yak mmɔ enyuŋ enam eka iso, ke mmendinamke uwem fo etie nte uwem owo mmɔ oro kiet, ke adaŋa ini ntem mkpɔŋ.

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

ŊWED ESEME 3:37

Anie owo ɔdɔhɔ ndien odu, ke Ɔbɔŋ miwukke?

MATTHEW 2:1

EDI ke ini Jesus amanade ke Bethlehem obio Judaea ke eyo edidem Herod, sese, mme ɔfiɔk-nkpɔ owo eto ke edem usiaha-utin edi ke Jerusalem, ete,

MATTHEW 2:7

Ekem Herod okot mme ɔfiɔk-ŋkpɔ owo ke ndibe, onyuŋ otim obup mmɔ ɔfiɔk ini eke ntantafiɔŋ oro ɔkɔwɔrɔde.

MATTHEW 2:9

Ke mmɔ ema ekokop uyo edidem, mmɔ edaha isaŋ; ndien sese, ntantatfiɔŋ emi mmɔ ekokutde ke edem usiaha-utin ebem mmɔ iso, edi edida ke enyɔŋ ebiet emi nsek eyen oro odude.