MATTHEW 2:6 - Edisana ñwed Abasi Ibom

⁶ Ndien afo Bethlehem, isɔŋ Judah, Ukprike ukaha ke baba usuŋ kiet ke otu mbɔŋ Judah; Koro andikara eyeto fi ke esit ɔwɔrɔ, Emi edikpemede ikɔt Mi Israel.

MATTHEW 2:6 ပူးပေါင်းရင်းမြစ်များ

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

2 SAMUEL 5:2

Tutuko adaŋemi Saul edide edidem nnyin, edi afo akada Israel ɔwɔrɔ, onyuŋ ada oduk. Jehovah okonyuŋ ɔdɔhɔ fi, ete, Afo eyebɔk ikɔt mi Israel, afo eyenyuŋ edi etubom Israel.

1 CHRONICLES 2:51

ye Salma ete Beth-lehem, ye Hareph ete Beth-gader.

1 CHRONICLES 5:2

koro Judah akande nditɔ-ete esie, ndien akpan ɔbɔŋ oto enye ke idem; edi itie-akpan enyene Joseph:)

EZRA 2:21

Nditɔ Bethlehem, ikie ye edip ye ita.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

NUMBERS 24:19

Ndien (ɔbɔŋ emi otode) ke Jacob eyeda ubɔŋ, onyuŋ osobo mme mmɔ emi efeŋede ke obio ebɔhɔ.

MATTHEW 2:1

EDI ke ini Jesus amanade ke Bethlehem obio Judaea ke eyo edidem Herod, sese, mme ɔfiɔk-nkpɔ owo eto ke edem usiaha-utin edi ke Jerusalem, ete,

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

JOHN 21:16

Jesus ɔtɔŋɔ ntak obup enye utim ikaba, ete, Simon eyen John, nte ama Mi? Simon ete Enye, Edi ntre Ɔbɔŋ, Afo ɔmɔfiɔk ete mmama Fi. Jesus ete enye, Kpeme mme erɔŋ Mi.

JOHN 7:42

Nte Ŋwed Abasi idɔhɔke ite Christ oto ke oruk David, onyuŋ oto ke Bethlehem obio-iŋwaŋ emi David okodude do?

ŊWED MBON EPHESUS 1:22

okonyuŋ ada kpukpru ŋkpɔ adak Enye ke ukot, onyuŋ ɔnɔ Enye ete edi Ibuot kpukpru ŋkpɔ, ɔnɔ ufɔn ufɔk Abasi,

ŊWED MBON COLOSSAE 1:18

Enye onyuŋ edi Ibuot ɔnɔ idem, emi edide ufɔk Abasi: sia Enye edide akpa, emi ekebemde iso amana ke otu mme akpa-mkpa: man Enye ekpedi ebe-iso ke kpukpru ŋkpɔ.

MME HEBREW 7:14

Koro aŋwaŋa ete Ɔbɔŋ nnyin okoto ke Judah; ndien akanam Moses itiŋke baba ŋkpɔ kiet eke abaŋade oku idian esien emi.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 2:27

nyenɔ enye odudu ndikara mme idut; ndien enye eyeda esaŋ ukwak akara mmɔ, nte emi ebomde eso obot-eso mbai-mbai: kpa nte Ami nde ŋkɔbɔde ke ubɔk Ete Mi.

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.