MATTHEW 2:23 - Edisana ñwed Abasi Ibom

²³ enye adaha aka ke isɔŋ Galilee okoduŋ ke obio emi ekerede Nazareth: man osu nte mme prophet ekedɔhɔde ete, Enye edikere Nazarene.

MATTHEW 2:23 ပူးပေါင်းရင်းမြစ်များ

NUMBERS 6:13

Ndien emi edi ewuhɔ Nazarite, adaŋemi mme usen eridianare esie ekurede: yak eda enye edi ke enyin-usuŋ efe esop:

MATTHEW 1:22

Edi ofuri ŋkpɔ emi ɔkɔwɔrɔ, man osu nte Jehovah akadade inua prophet ɔdɔhɔ ete,

MATTHEW 21:11

Edi mme otu owo edɔhɔ ete, Emi edi Jesus, prophet emi otode ke Nazareth, ke Galilee.

MATTHEW 26:71

Ndien ke ini enye ɔwɔrɔde ke otop, eyen-aŋwan efen okut enye, onyuŋ ɔdɔhɔ mmɔ emi edade do, ete, Owo emi nde okodu ye Jesus eyen Nazareth.

MARK 1:24

enye onyuŋ ofiori ete, Isaŋa nso ye Afo, Jesus eyen Nazareth? Nte emedi ndisobo nnyin? mmɔdiɔŋɔ owo eke Afo edide, Edisana Eyen Abasi.

MARK 1:9

Edikem ke mme usen oro, Jesus oto ke Nazareth obio Galilee, onyuŋ ana baptism ke ubɔk John ke akpa Jordan.

LUKE 1:26

Edi ke ɔyɔhɔ ɔfiɔŋ itiokiet Abasi ɔdɔŋ angel Gabriel utom.

LUKE 18:37

Edɔhɔ enye ete, Jesus eyen Nazareth ke ebebe.

LUKE 2:39

Ekem ke mmɔ ema ekanam kpukpru ŋkpɔ eke esaŋade ye ibet Jehovah ema, mmɔ efiak enyɔŋɔ ke Galilee, ke Nazareth obio mmɔ.

JOHN 18:5

Mmɔ ebɔrɔ enye ete, Iyom Jesus-a-Nazareth. Jesus ete mmɔ, Ami ndi Enye. Judas ŋko, emi adade Enye ɔnɔ, mɔdo, ada ye mmɔ.

JOHN 18:7

Ntre ke Jesus ɔtɔŋɔ ntak obup mmɔ ete, Mbufo eyom anie?

JOHN 19:19

Ndien Pilate ewet enyiŋ emi edoride Enye akadian ke cross. Ndien ewet ete, JESUS-A-NAZARETH, EDIDEM MME JEW.

UTOM MME APOSTLE 2:22

Mbufo nditɔ Israel, ekop ikɔ emi: Jesus eyen Nazareth, owo emi Abasi onyimede ke otu mbufo ke mkpɔsɔŋ utom ye mme utibe ŋkpɔ ye mme idiɔŋɔ eke Abasi adade ubɔk Esie anam ke otu mbufo, nte mbufo ke idem mbufo efiɔkde;

UTOM MME APOSTLE 24:5

Koro nnyin imokut ite owo emi edi owo afanikɔŋ; enye edemere nsɔŋ-ibuot ke otu kpukpru mme Jew emi edude ke ofuri ererimbot, onyuŋ edi ebe-iso owo ke otu ŋka emi etienede Jesus eyen Nazareth.

JUDGES 13:5

koro, sese, afo eyeyomo, onyuŋ aman eyen-eren; baba akaraŋ kiet okunyuŋ otuk enye ibuot: koro eyen oro eyedi Nazarite Abasi toto ke emana esie: ndien enye eyetɔŋɔ ndinyaŋa Israel nsio mme Philistine ke ubɔk.

1 SAMUEL 1:11

Ndien enye akaŋa akaŋa onyuŋ ɔdɔhɔ ete, Jehovah mme udim, edieke afo edisede ukut eyen fo aŋwan, onyuŋ etide mi, munyuŋ ufreke eyen fo aŋwan, edi ama ɔnɔ eyen fo aŋwan eyen-eren, nyeda enye nnɔ Jehovah kpukpru usen uwem esie, ndien akaraŋ iditukke enye ibuot.