MATTHEW 2:13 - Edisana ñwed Abasi Ibom

¹³ Ekem ke mmɔ ema ekenyɔŋɔ, sese, angel Jehovah ɔbiɔŋɔre Joseph ke iso ke ndap, ete enye, Daha ke enyɔŋ, da nsek eyen ye eka Esie, fehe, ka ke Egypt ke odu do, tutu nnɔ fi uyo; koro Herod ɔmɔŋ oyom nsek eyen oro ndiwot.

MATTHEW 2:13 ပူးပေါင်းရင်းမြစ်များ

1 NDIDEM 11:17

ndien Hadad efehe, kpa enye, ye ndusuk nditɔ Edom ŋko emi edide ikɔt ete esie, aka ke Egypt; Hadad onyuŋ edi ata eyenɔwɔŋ.

1 NDIDEM 3:5

Ekem Jehovah okowut Solomon idem ke Gibeon, ke ndap ke okoneyo: Abasi onyuŋ ɔdɔhɔ, ete, Beŋe se ndinɔde fi.

ŊWED JOB 33:15

Ke ndap, ke ŋkukut okoneyo, ke ini ɔkpɔsɔŋ idap ɔduɔde owo ke idem: ke eride idap ke bed;

ŊWED JOB 33:17

Man enye akabare owo ke idiɔk ido esie efep, onyuŋ odip owo iseri.

EXODUS 1:22

Ndien Pharaoh owuk kpukpru ikɔt esiemɔ, ete, Mbufo emen kpukpru nditɔ-iren eke emanade, eduɔŋɔ ke akpa, edi enim kpukpru nditɔ-iban ke uwem.

MATTHEW 1:20

Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit.

MATTHEW 10:23

Edi ke ini mmɔ ekɔbɔde mbufo ke obio emi, efehe eduk ke obio efen: koro ke akpanikɔ ke ndɔhɔ mbufo, nte, Ke mbufo mika-isaŋake ke kpukpru mme obio Israel ibe kaŋa, Eyen Owo eyedi.

MATTHEW 2:12

Ndien sia Abasi etemede mmɔ ke ndap, ete, Ekufiak eka ke ɔtɔ Herod, mmɔ esaŋa ke usuŋ efen enyɔŋɔ obio mmɔ.

MATTHEW 2:14

Ndien Joseph adaha ke enyɔŋ, ada nsek eyen ye eka Esie ke okoneyo, ɔnyɔŋ ke Egypt;

MATTHEW 2:16

Ekem kini Herod okutde ete mme ɔfiɔk-ŋkpɔ owo ebiaŋa imɔ, enye ayaresit eti-eti, onyuŋ ɔdɔŋ eka ekowot kpukpru nditɔ-iren emi edude ke Bethlehem ye ke kpukpru adaŋa esie, ɔtɔŋde ke nditɔ isua iba tutu osim nsek nditɔ, nte asaŋade ekekem ye ini emi enye okotimde obup mme ɔfiɔk-ŋkpɔ owo.

MATTHEW 2:22

Edi ke adaŋemi enye okopde ete, Archelaus ke ada ubɔŋ ke ibuot ete esie Herod, enyene enye ndik ndika do; edi nte Abasi etemede enye ke ndap,

UTOM MME APOSTLE 10:22

Ndien mmɔ ete, Edisana angel eteme Cornelius centurion, emi edide eti owo onyuŋ abakde Abasi, emi onyuŋ ɔwɔrɔde eti etop ke ofuri oruk mme Jew, ete, enye ɔdɔŋ edikot fi edi ke ufɔk esie, onyuŋ okop ikɔ ke inua fo.

UTOM MME APOSTLE 10:7

Ekem ke adaŋemi angel emi ɔdɔhɔde enye ntem ama adaha, Cornelius okot nditɔ ufɔk esie iba, ye owo-ekɔŋ kiet emi eteŋede Abasi, ke otu mmɔ emi enamde ŋkpɔ enɔ enye kpukpru ini;

UTOM MME APOSTLE 12:11

Ke adaŋemi enyin eŋwaŋade Peter, enye ɔdɔhɔ ete, Ke emi mmobure mfiɔk nte Ɔbɔŋ ama ɔdɔŋ angel Esie, onyuŋ anyaŋa mi osio ke ubɔk Herod ye ke ofuri idori-enyin mme Jew.

UTOM MME APOSTLE 12:7

Ndien sese, angel Ɔbɔŋ ada enye ke ŋkaŋ, uŋwana onyuŋ ayama ke ubet oro; enye oro onyuŋ atuak Peter ke ŋkaŋ, edemere enye, ete, Daha ke enyɔŋ iwiwa. Ndien ŋkpɔkɔbi efɔrɔre enye ke ubɔk eduɔ.

UTOM MME APOSTLE 16:36

Ekpeme-ufɔk-ŋkpɔkɔbi emen ikɔ oro etiŋ ɔnɔ Paul ete, Mme ebierikpe ema enɔ uyo ete eyak mbufo enyɔŋɔ; ewɔrɔ edi ndien enyɔŋɔ ke ifure.

UTOM MME APOSTLE 5:19

Edi ke okoneyo angel Ɔbɔŋ eberede usuŋ ufɔk-ŋkpɔkɔbi, ada mmɔ ɔwɔrɔ, ete,

UTOM MME APOSTLE 7:19

Enye anam ŋkpɔ ŋkari-ŋkari ye oruk nnyin, onyuŋ ɔsɔŋ ido ye mme ete nnyin, ete mmɔ eduɔŋɔ nsek-nditɔ mmɔ, man nditɔ oro ekudu uwem.

JOSHUA 3:13

Ndien ama ekem, ke ini ikpat ukot mme oku emi ebiomde ekebe Jehovah ɔbɔŋ ofuri ererimbot, edituakde ada ke mmɔŋ Jordan, mmɔŋ Jordan eyesibe, kpa mmɔŋ emi otode ke edere osuk, eyekpehe ada nte obot kiet.

JOSHUA 3:17

Ndien mme oku emi ebiomde ekebe ediomi Jehovah, esɔŋɔ eda ke edisat isɔŋ ke ufɔt Jordan; ndien ofuri Israel esaŋa ke edisat isɔŋ ebe, tutu kpukpru owo ebe Jordan ema.

JOSHUA 4:10

Ndien mme oku emi ebiomde ekebe eda ke ufɔt Jordan, tutu mmɔ ema kpukpru ŋkpɔ emi Jehovah eketemede Joshua, ete etiŋ ɔnɔ mbon oro, ekem ye kpukpru se Moses eketemede Joshua: ndien mmɔ esɔp ukot ebe.

JOSHUA 4:18

Ekem, ke ini mme oku emi ebiomde ekebe ediomi Jehovah, ema eketo ke ufɔt Jordan edɔk, ke ini ikpat-ukot mme oku ema ekeyuŋ ewɔrɔ edigi ke edisat isɔŋ, ndien mmɔŋ Jordan afiak ke itie esie, onyuŋ ɔyɔhɔ ada ofuri mben ikɔt esie nte anamde akpa.

ERIYARARE 12:14

Edi enɔ ŋwan oro mba iba eke akamba ntrukpom, man enye efe ɔnyɔŋ ke ebiet iduŋ esie ke desert; do ke ebɔk enye ke ini ye ke mme ini ye ke ubak ini, uruk-ikɔt okunyuŋ okut enye.

ERIYARARE 12:4

Ndien isim esie odudi ubak ntantafiɔŋ ikpa-enyɔŋ kiet ke itie ita, osioŋo mmɔ ɔduɔŋɔ ke isɔŋ. Dragon oro onyuŋ ada ke iso ŋwan oro oyomde ndiman eyen, kpaŋ ŋwan oro ama aman, ekpemen eyen esie ata.

ERIYARARE 12:6

Edi ŋwan oro efehe ɔnyɔŋ ke desert, ke ebiet eke Abasi okotimde itie onim ɔnɔ enye do, man ebɔk enye do ke thousand usen ye usen ikieiba ye ata.