MATTHEW 2:12 - Edisana ñwed Abasi Ibom

¹² Ndien sia Abasi etemede mmɔ ke ndap, ete, Ekufiak eka ke ɔtɔ Herod, mmɔ esaŋa ke usuŋ efen enyɔŋɔ obio mmɔ.

MATTHEW 2:12 ပူးပေါင်းရင်းမြစ်များ

GENESIS 31:24

osim enye ke obot Gilead. Ndien Abasi editiene Laban eyen Aram ke ndap ke okoneyo oro, onyuŋ ɔdɔhɔ enye, ete, Kpeme idem fo mbak edidɔhɔ ekpedi eti ekpedi idiɔk ye Jacob.

EXODUS 1:17

Edi mme omum uman oro ebak Abasi, ndien inamke nte edidem Egypt ɔkɔdɔhɔde mmɔ, edi enim nditɔ-iren uwem.

DANIEL 2:19

Ndien eyarade ndibe ŋkpɔ emi enɔ Daniel ke ndap ke okoneyo.

MATTHEW 1:20

Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit.

MATTHEW 2:13

Ekem ke mmɔ ema ekenyɔŋɔ, sese, angel Jehovah ɔbiɔŋɔre Joseph ke iso ke ndap, ete enye, Daha ke enyɔŋ, da nsek eyen ye eka Esie, fehe, ka ke Egypt ke odu do, tutu nnɔ fi uyo; koro Herod ɔmɔŋ oyom nsek eyen oro ndiwot.

MATTHEW 2:19

Edi ke ini Herod ama akakpa, sese, angel Jehovah ɔbiɔŋɔre Joseph ke iso ke ndap ke Egypt, ete enye,

MATTHEW 2:22

Edi ke adaŋemi enye okopde ete, Archelaus ke ada ubɔŋ ke ibuot ete esie Herod, enyene enye ndik ndika do; edi nte Abasi etemede enye ke ndap,

MATTHEW 27:19

Edi ke adaŋemi enye etiede ke itie-ikpe, ŋwan esie ɔdɔŋ edidɔhɔ enye ete, Kusaŋa ŋkpɔ ye eti owo emi; koro mma ŋkut ukut eti-eti ke ndap mfin emi mbaŋa Enye.

LUKE 2:26

Edisana Spirit ama onyuŋ ayarare ɔnɔ enye ete enye idikpaha tutu enye okut Christ emi Jehovah ɔdɔŋde.

UTOM MME APOSTLE 10:22

Ndien mmɔ ete, Edisana angel eteme Cornelius centurion, emi edide eti owo onyuŋ abakde Abasi, emi onyuŋ ɔwɔrɔde eti etop ke ofuri oruk mme Jew, ete, enye ɔdɔŋ edikot fi edi ke ufɔk esie, onyuŋ okop ikɔ ke inua fo.

UTOM MME APOSTLE 4:19

Edi Peter ye John ebɔrɔ mmɔ ete, Mbufo ekam ekere mme enen ke enyin Abasi ndikop uyo mbufo ŋkan eke Abasi:

UTOM MME APOSTLE 5:29

Edi Peter ye mme apostle ebɔrɔ ete, Nnyin inyene ndikop uyo Abasi ŋkan uyo owo.

1 ŊWED CORINTH 3:19

Koro ifiɔk ererimbot emi edi ndisime ke iso Abasi. Koro ewet ete, Enye omum mme enyene-ibuot owo ke ŋkari mmɔ;

MME HEBREW 11:7

Oto mbuɔtidem Noah, sia Abasi ɔnɔde enye ntɔt abaŋa se enyin mikwe kaŋa, ke uteŋe Abasi, ɔkɔŋ ubom ndida nnyaŋa ufɔk esie; ndien ke erinam emi enye obiom ererimbot ikpe, onyuŋ akabare edi andinyene edinen ido eke asaŋade ye mbuɔtidem.

MME HEBREW 8:5

emi enamde utom ukpɔŋ-ukpɔŋ ŋkpɔ eke edide mbiet ye mfut ŋkpɔ heaven; kpa nte Abasi ɔkɔnɔde Moses uyo, ke adaŋemi enye ɔmɔŋ edibɔp Ataya: koro Enye ɔdɔhɔ ete, Tiŋ enyin nam kpukpru ŋkpɔ nte asaŋade ekekem ye mbiet ŋkpɔ emi ekewutde fi ke enyɔŋ obot.