MATTHEW 2:11 - Edisana ñwed Abasi Ibom

¹¹ Mmɔ enyuŋ eduk ufɔk ekokut nsek eyen ye eka Esie Mary; enyuŋ eduɔŋɔ ke isɔŋ, etuak ibuot enɔ Enye; ndien ekibɔre ukama-ŋkpɔ-uto mmɔ, esio gold ye ufuɔŋkpɔ ye myrrh, enɔ Enye.

MATTHEW 2:11 ပူးပေါင်းရင်းမြစ်များ

GENESIS 43:11

Ndien Israel ete mmɔ ɔdɔhɔ ye mmɔ, ete, Ama edi ntre, ndien, enam ntem; eda akakan mfri edem emi esin ke ŋkpɔ mbufo, esuhɔre enɔ owo oro ke enɔ, ekpri balm, ye ekpri aran ɔkwɔk, ye edifuɔŋ-ŋkpɔ, ye myrrh, ye mbansaŋ, ye almond:

1 NDIDEM 10:10

Ndien enye ɔnɔ edidem talent gold ikie ye edip, ye ediwak ufuɔ ŋkpɔ eti -eti, ye ɔsɔŋ-urua itiat: oruk uwak ufuɔ ŋkpɔ idige aba nte eke ɔbɔŋ aŋwan Sheba ɔkɔnɔde Solomon.

1 NDIDEM 10:2

Enye onyuŋ ada ata akamba udim, kpa camel eke ebiomde ufuɔŋkpɔ, ye ata ediwak gold, ye ndiye itiat, aka ke Jerusalem: ndien enye aka ke ɔtɔ Solomon, ekeneme nneme ye enye abaŋa kpukpru se idude enye ke esit.

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

ŊWED MME PSALM 45:8

Kpukpru edisine-ŋkpɔ fo efuɔŋ myrrh, ye aloes, ye cassia, eke etode ke ufɔk nduk-enin eke mmɔ edatde fi esit.

ŊWED MME PSALM 72:10

Ndidem Tarshish ye eke mme isuo eyetomo utomo: ndidem Sheba ye Seba eyeda enɔ edi.

ŊWED MME PSALM 72:15

Ndien enye (ubuene) eyedu uwem, eyenyuŋ ɔnɔ Enye (edidem) gold Sheba; onyuŋ anam mkpeubɔk ɔnɔ Enye kpukpru ini; eyekɔm Enye ofuri usen.

ŊWED MME PSALM 95:6

Mbufo edi, nnyin ituak ibuot inyuŋ inuhɔ: inyuŋ itɔŋɔ edɔŋ ke iso Jehovah andinam nnyin.

EXODUS 30:23

Ndien ŋko da ata akpan ufuɔŋ-ŋkpɔ ke idem fo, ata eti myrrh shekel ikie ition, ye cinnamon eti utebe ekem ye ubak myrrh, shekel ikie iba ye aba ye duop, ye calamus eti utebe shekel

EXODUS 30:34

Ndien Jehovah ɔdɔhɔ Moses, ete, Da ufuɔŋ-ŋkpɔ ke idem fo, stacte, ye onycha, ye galbanum; ufuɔŋ-ŋkpɔ emi, ye ata frankincense; kpukpru edide ukem-ukem:

IKWƆ SOLOMON 3:6

Anie owo edi emi otode ke wilderness ɔdɔk, ebiet adaha nsuŋikaŋ, ososio ufuɔŋ myrrh ye frankincense, ke kpukpru ufuɔ-ŋkpɔ mbon urua?

ISAIAH 60:6

Akwa udim camel eyefuk fi, mme dromedary Midian ye eke Ephah; kpukpru mmɔ eyeto ke Sheba, ebiom gold ye frankincense edi, eyenyuŋ ekwɔrɔ itoro Jehovah.

LEVITICUS 6:15

Ndien yak enye owobi ndom-uyo inuak-udia, ye aran, ɔyɔhɔ ubɔk esie ke esit, ye kpukpru frankinsence eke odorode ke inuak-udia, onyuŋ ɔfɔp editi ubak esie ke itie-uwa, edinem utebe, ɔnɔ Jehovah.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

NUMBERS 7:14

cup kiet ke shekel gold duop, ɔyɔhɔ incense:

NUMBERS 7:86

cup gold duopeba, emi incense ɔyɔhɔde ke esit, kiet kiet edi shekel duop, asaŋa ye edisana shekel: ofuri gold mme cup emi edi shekel ikie ye edip.

MATTHEW 1:18

Emana Jesus Christ ekedi ntem: ekeda Mary eka Esie enɔ Joseph ke ndɔ; edi ke ini mmɔ miduhe kaŋa ufɔk kiet, eyarare efiɔk ete enye omoyomo idibi oto ke Edisana Spirit.

MATTHEW 12:46

Nte Enye osuk eteiŋ ikɔ ye mme otu owo, sese, eka Esie ye nditɔ-eka Esie edida ke aŋwa, eyom nditiŋ ikɔ ye Enye.

MATTHEW 14:33

Edi mmɔ emi edude ke ubom etuak ibuot enɔ enye, ete, Ke akpanikɔ Afo edi Eyen Abasi.

MATTHEW 2:10

Ke adaŋemi mmɔ ekutde ntantafiɔŋ mmɔ edatesit eti-eti.

MATTHEW 2:2

Enye emi akamanade nte Edidem mme Jew odu mmɔŋ? koro nnyin ikokut ntantafiɔŋ Esie ke edem usiaha-utin, imonyuŋ idi ndituak ibuot nnɔ Enye.

LUKE 2:16

Mmɔ enyuŋ ewara eka, enyuŋ ekut Mary ye Joseph, ye nsek-eyen nte anade ke usin-udia ufene.

LUKE 2:38

Enye onyuŋ oduk edi kpa idaha oro, ɔkɔm Abasi, onyuŋ etiŋ abaŋa Eyen oro ɔnɔ kpukpru owo emi etiede ebet erifak Jerusalem.

JOHN 19:39

Nicodemus onyuŋ edi ŋko, emi ekedide ke eritɔŋɔ edisobo ye Jesus ke okoneyo; ndien enye asaŋa ye mbuaha myrrh ye aloes, emi udop esie ekpere pound ikie.

ERIYARARE 19:10

Ndien nduɔ Enye ke ukot, nte ntuak ibuot nnɔ enye. Edi enye ɔdɔhɔ mi ete, Kunam: ndi asaŋutom ye afo ye nditɔ-ete fo emi enyenede ikɔ-ntiense Jesus: tuak ibuot nɔ Abasi. Koro ikɔ-ntiense Jesus edi spirit prophecy.

ERIYARARE 5:8

Ekem ke adaŋemi Enye ɔkɔbɔde ŋwed, ŋkpɔ-uwem inaŋ, ye mbiowo edip ye inaŋ oro eduɔŋɔ ke iso Eyen-erɔŋ; mmɔ kiet kiet enyene harp ye eso o-gold, emi eyɔhɔde ye incense, emi edide mme akam nti ikɔt Abasi.

1 SAMUEL 10:27

Ndien mme oburobut owo edɔhɔ ete, Owo emi edida nso inyaŋa nnyin? Ndien mmɔ esin enye ke ndek, inyuŋ idaha enɔ isɔk enye. Edi enye odop uyo.