MATTHEW 19:28 - Edisana ñwed Abasi Ibom

²⁸ Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 19:28 ပူးပေါင်းရင်းမြစ်များ

1 NDIDEM 18:31

Ndien Elijah ada itiat duopeba, ekem ke ibat mme esien nditɔ Jacob, emi uyo Jehovah okosimde enye, ete, Israel eyedi enyiŋ fo.

2 CHRONICLES 9:19

Lion duopeba enyuŋ eda do ke udigukot itiokiet ke edem mbiba; akanam inamke oruk emi ke baba idut kiet.

EZRA 6:17

Ndien ke eriberere ufɔk Abasi emi mmɔ ewa enaŋ ikie, ye okukim ikie iba, ye nditɔ-erɔŋ ikie inaŋ; ye okpo ebot duopeba ke uwa idiɔk ido ofuri Israel, ekem ye ibat mme esien Israel.

EXODUS 15:27

Edikem mmɔ esim Elim emi idim mmɔŋ duopeba ye eyop ata ye udop edude do: ndien enam nna mmɔ do ke mben mmɔŋ.

EXODUS 24:4

Ndien Moses ewet kpukpru ikɔ Jehovah, onyuŋ abak edemere ke usenubɔk, anam itie-uwa ke ukot obot, ye ndaha duopeba, ekem ke mme esien Israel duopeba.

EXODUS 28:21

Ndien itiat oro esaŋa ye enyiŋ nditɔ Israel, duopeba: ekem ye enyiŋ mmɔ, nte emi ekapde seal; kpukpru nte enyiŋ mmɔ esaŋade edidu ke esit, ekem ye mme esien duopeba.

ISAIAH 65:17

Koro, sese, mmɔŋ mbot mbufa enyɔŋ ye obufa isɔŋ, ndien owo iditihi aba akpa oro, idinyuŋ idukke owo ke esit.

ISAIAH 66:22

Koro kpa nte mbufa enyɔŋ ye obufa isɔŋ, emi ndinamde, edade ke iso mi kpa ntre ke nditɔ mbufo ye enyiŋ mbufo edida: emi edi uyo Jehovah.

LEVITICUS 24:5

Ndien ŋko da eti ndom-uyo, saŋ uyo duopeba: omer iba esaŋa ke uyo kiet.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MATTHEW 19:27

Ekem Peter ɔbɔrɔ Enye ete, Sese, nnyin ikɔkpɔŋ kpukpru ŋkpɔ itiene Fi; nso ndien ke nnyin idinyene?

MATTHEW 20:21

Jesus ɔdɔhɔ enye ete, Oyom nso? Ŋwan oro ɔdɔhɔ Enye ete, Nɔ uyo ete nditɔ mi iba emi editie, kiet ke ubɔk nasia Fo, kiet ke ufien, ke Obio Ubɔŋ Fo.

MATTHEW 25:31

Ke ini Eyen Owo edidide ke ubɔŋ Esie, asaŋa ye kpukpru mme angel, adaŋaro ke Enye eyetie ke ebekpo ubɔŋ Esie.

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

MATTHEW 8:20

Ndien Jesus ete enye, Ebua-ikɔt enyene ndudu, inuen enyɔŋ enyuŋ enyene mme efɔk; edi Eyen Owo inyeneke ɔtɔ eke odoride ibuot Esie.

MARK 10:37

Mmɔ ete Enye, Nɔ nnyin ete owo nnyin kiet editie Fi ke ubɔk nnasia, kiet eken ke ubɔk ufien, ke Obio Ubɔŋ Fo.

UTOM MME APOSTLE 3:21

emi heaven enyenede ndibɔ kaŋa ŋkama, tutu osim ini emi edinamde kpukpru ŋkpɔ etɔŋɔ ntak efɔn ema, kpa ini emi Abasi eketiŋde abaŋa enye ke inua ndisana prophet Esie, emi ekodude toto ke eritɔŋɔ ererimbot

2 ŊWED TIMOTHY 2:12

Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;

JOSHUA 3:12

Mbufo esio ndien owo duopeba ke mme esien Israel ke idem mbufo, owo kiet ke esien kiet, owo kiet ke esien kiet.

2 PETER 3:13

Edi nnyin itie ibet obufa enyɔŋ ye obufa isɔŋ, nte uŋwɔŋɔ Esie edide; ndien edi do ke edinen ido ediduŋ.

ERIYARARE 11:16

Ndien mbiowo edip ye inaŋ, emi etiede ke ebekpo mmɔ ke iso Abasi, eduɔŋɔ ekibi iso mmɔ ke isɔŋ, enyuŋ etuak ibuot enɔ

ERIYARARE 12:1

EKEM akamba idiɔŋɔ owut idem ke enyɔŋ; ŋwan emi esinede utin ke idem, ɔfiɔŋ onyuŋ odude enye ke idak ikpat, anyanya ntantafiɔŋ duopeba onyuŋ odorode enye ke ibuot;

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

ERIYARARE 21:5

Anditie ke ebekpo onyuŋ ɔdɔhɔ ete, Sese, mmanam kpukpru ŋkpɔ edi mbufa. Enye onyuŋ ɔdɔhɔ ete, Wet: koro mme ikɔ emi edi akpanikɔ ye se owo okponimde.

ERIYARARE 22:2

Eto uwem ada ke ŋkaŋ akpa emi ye ke ŋkaŋ oko, oŋwum oruk mfri duopeba, oŋwum mfri esie ke ɔfiɔŋ ke ɔfiɔŋ, enyuŋ eda ikɔŋ eto oro ekɔk mme idut udɔŋɔ.

ERIYARARE 22:5

enyiŋ Esie eyenyuŋ odu mmɔ ke ɔkpɔ-iso. Okoneyo idinyuŋ iduhe aba; mmɔ inyuŋ iyomke uŋwana utuen-ikaŋ mme uŋwana utin; koro Ɔbɔŋ Abasi mmɔ eyenɔ mmɔ uŋwana, ndien mmɔ eyeda ubɔŋ ke nsinsi-nsinsi.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ERIYARARE 4:4

Ebekpo edip ye inaŋ enyuŋ ekan ebekpo oro ekuk; ndien ke mme ebekpo oro mbiowo edip ye inaŋ etie, esine mfia ɔfɔŋidem, enyuŋ eyara anyanya o-gold ke ibuot mmɔ.

ERIYARARE 7:4

Ndien ŋkop ibat mmɔ emi efikde mmɔ idiɔŋɔ; thousand owo ikie ye aba ye inaŋ, emi esiode ke kpukpru esien nditɔ Israel efik mmɔ idiɔŋɔ.