MATTHEW 19:27 - Edisana ñwed Abasi Ibom

²⁷ Ekem Peter ɔbɔrɔ Enye ete, Sese, nnyin ikɔkpɔŋ kpukpru ŋkpɔ itiene Fi; nso ndien ke nnyin idinyene?

MATTHEW 19:27 ပူးပေါင်းရင်းမြစ်များ

MATTHEW 19:26

Edi Jesus owuk enyin ese mmɔ, onyuŋ ɔdɔhɔ mmɔ ete, Emi edi se owo mikemeke ndinam edi Abasi emekeme ndinam kpukpru ŋkpɔ.

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 9:9

Ekem nte Jesus otode do asaŋa ebe, Enye okut owo kiet, emi ekerede Matthew, etiede ke itie ubɔ-utomo; onyuŋ ɔdɔhɔ enye ete, Tiene Mi. Ndien Matthew adaha ke enyɔŋ, etiene Enye.

MARK 10:28

Peter ɔtɔŋɔ ndidɔhɔ Enye ete, Sese, nnyin ikɔkpɔŋ kpukpru ŋkpɔ itiene Fi.

MARK 2:14

Ndien nte Enye asaŋade ebe, Enye okut Levi eyen Alphaeus etiede ke itie ubɔ-utomo, onyuŋ ɔdɔhɔ enye ete, Tiene Mi. Levi onyuŋ adaha ke enyɔŋ etiene Enye.

LUKE 14:33

Kpa ntre ke owo mbufo ekededi, eke misanake kpukpru se enye enyenede iyak, ikemeke ndidi mbet Mi.

LUKE 15:29

Edi enye ɔbɔrɔ ete esie, ete, Sese, mmanam utom nnɔ fi adaŋa ediwak isua emi, akanam nnyuŋ nnenike uyo fo: edi akananam afo unɔŋɔ mi ndomo eyen ebot kiet, ete nda nnam mbre ye mme ufan mi:

LUKE 18:28

Edi Peter ɔdɔhɔ ete, Sese, nnyin ikɔkpɔŋ kpukpru se ikenyenede nnyin itiene Fi.

LUKE 5:11

Ndien ke mmɔ ewatde ubom ebehe ke esuk, mmɔ ekpɔŋ kpukpru ŋkpɔ, etiene Jesus.

1 ŊWED CORINTH 1:29

mbak owo baba kiet edibure mbure ke iso Abasi.

1 ŊWED CORINTH 4:7

Koro anie anam fi ɔkpuhɔre ye owo eŋwen? Nso ŋkpɔ ke onyuŋ enyene eke mukɔbɔhɔ bɔ? Ndien edieke ɔkɔbɔde bɔ, nsinam oburede mbure nte ŋkpɔ eke mukɔbɔhɔ.

DEUTERONOMY 33:9

emi ɔdɔhɔde abaŋa ete esie ye eka esie, ete, Nsehe enye; minyuŋ idiɔŋɔke nditɔ-eka esie, minyuŋ ifiɔkke nditɔ esiemɔ: koro mmɔ ekpemede ikɔ Fo, enyuŋ enimde ediomi Fo.

ŊWED MBON PHILIPPI 3:8

Ke akpanikɔ mbat kpukpru ŋkpɔ ke ntak-urua, man mbɔ akan ifiɔk Christ Jesus Ɔbɔŋ mi: emi ŋkayakde kpukpru ŋkpɔ atak kabaŋa Enye, mmonyuŋ nsin mmɔ ke mbio,