MATTHEW 19:22 - Edisana ñwed Abasi Ibom

²² Edi ke adaŋemi akparawa okopde ikɔ oro, enye ɔnyɔŋ ye mfuhɔ, koro enye edide owo eke enyenede ediwak inyene.

MATTHEW 19:22 ပူးပေါင်းရင်းမြစ်များ

ŊWED MME PSALM 17:14

da ubɔk fo. O Jehovah, (nam mi mbɔhɔ) owo, kpa ererimbot emi udeme mmɔ odude ke uwem emi, afo eyenyuŋ ada nti ŋkpɔ fo ɔyɔhɔ mmɔ ke idibi: nditɔ eyeyuhɔ mmɔ; ndien mmɔ eyenim nsuhɔ mmɔ enɔ nditɔwɔŋ mmo.

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

MATTHEW 13:22

Enye emi esuande mkpasip ke ufɔt ikɔt ŋkukim, edi owo emi okopde ikɔ; ndien ekikere ŋkpɔ eyo emi ye abiaŋa inyene ababa ikɔ oro owot, ntre ke enye akabare anana mfri.

MATTHEW 14:9

Ndien edidem ayat esit; edi ke ntak uŋwɔŋɔ esie, ye mmɔ emi etiede ke itie-udia ye enye, enye ɔnɔ uyo ete eda esɔk enye:

MATTHEW 16:26

Koro nso udori ke owo edikut, edieke enye adiade ofuri ererimbot, ndien ada uwen esie osio isop? mme nso ke owo edinɔ ke ibuot uwem esie?

MATTHEW 19:21

Jesus ɔdɔhɔ enye ete, Edieke oyomde ndifɔn mma, ka kanyam se enyenede, da nɔ mme ubuene, ndien eyenyene inyene ke heaven: nyuŋ di disaŋa ye Ami.

MATTHEW 19:23

Edi Jesus ɔdɔhɔ mbet Esie ete, Ke akpanikɔ ke ndɔhɔ mbufo, ɔsɔŋ owo inyene ndiduk ke Obio Ubɔŋ Heaven.

MATTHEW 6:24

Baba owo kiet ikemeke ndisaŋa utom mme ete iba: koro enye eyesua kiet, ama eken; midige ntre, enye eyesɔŋɔ ada ye kiet, esin enye eken ke ndek. Mbufo ikemeke ndisaŋa utom Abasi ye eke mammon.

MARK 10:22

Edi iso ɔkpuhɔre enye ke ikɔ oro, enye onyuŋ ɔnyɔŋ ye mfuhɔ: koro edi owo emi enyenede ediwak inyene.

MARK 6:26

Edidem ayat esit eti-eti; edi ke ntak uŋwɔŋɔ esie, ye mmɔ emi etiede ye enye ke itie-udia, enye imaŋa ndisin eyen-aŋwan ebeŋe esie.

LUKE 18:23

Edi ke ini enye okopde ikɔ emi, enye akabare ɔfuhɔ eti-eti, koro enye enyenede ediwak inyene.

JOHN 16:20

Ke akpanikɔ ke ndɔhɔ mbufo nte, mbufo eyetuaŋa enyuŋ eseme, edi ererimbot eyedara: mbufo eyefuhɔ, edi mfuhɔ mbufo eyekabare edi idara.

ŊWED MBON EPHESUS 5:5

Koro mbufo emetim efiɔk emi, ete baba anam use kiet, mme anam mbubiam ido, mme esin esit ke ŋkpɔ owo, emi edide okpono ndem, inyeneke udeme ke Obio Ubɔŋ Christ ye Abasi.

ŊWED MBON COLOSSAE 3:5

Mmɔdo ewot mbak idem mbufo emi edude ke isɔŋ. Ekpɔŋ use, ye ndek-ndek ido, ye idiɔk udɔŋ, ye idiɔk itɔŋ, ye erisin esit ke ŋkpɔ owo, emi edide ukpono-ndem;