MATTHEW 19:13 - Edisana ñwed Abasi Ibom

¹³ Ekem eda ŋkpri nditɔ esɔk Enye, ete Enye odori mmɔ ubɔk ɔbɔŋ akam: edi mbet Esie esua enɔ mmɔ emi edade mmɔ edi.

MATTHEW 19:13 ပူးပေါင်းရင်းမြစ်များ

GENESIS 48:1

EDIKEM, ke ŋkpɔ oro ebede, edɔhɔ Joseph, ete, Usɔ ke ɔdɔŋɔ: ndien enye ada nditɔ-iren esie iba, Manasseh ye Ephraim aka ye mmɔ.

JEREMIAH 32:39

nyenyuŋ nnɔ mmɔ esit kiet ye usuŋ kiet, man ebak mi kpukpru ini, man ɔfɔn ye mmɔ ye nditɔ mmɔ emi editienede mmɔ ke edem.

MATTHEW 16:22

Edi Peter ada Enye ɔtɔŋɔ ndisua nnɔ Enye, ete, Idiɔk ŋkpɔ aka nsan-nsan ye Afo, Ɔbɔŋ; utɔ ŋkpɔ emi idiwɔrɔke Fi.

MATTHEW 19:12

Koro mme eunuch edu emi emanade ntem ke idibi eka mmɔ; mme eunuch enyuŋ edu emi edide owo enam mmɔ edi eunuch; mme eunuch enyuŋ edu ŋko emi enamde idem mmɔ eunuch kabaŋa Obio Ubɔŋ Heaven. Owo eke ekemede ndibɔ, yak ɔbɔ.

MATTHEW 20:31

Edi otu owo esua enɔ mmɔ, ete, ekibi inua; edi mmɔ edɔdiɔŋ efiori ete, Ɔbɔŋ, Afo Eyen David, tua nnyin mbɔm.

UTOM MME APOSTLE 2:39

Koro uŋwɔŋɔ oro enyene mbufo ye nditɔ mbufo ye kpukpru mmɔ emi edude nsan-nsan, adaŋa owo nte Jehovah Abasi nnyin edikotde etiene Enye.

1 ŊWED CORINTH 7:14

Koro ebe eke minimke ke akpanikɔ ama akabare edi edisana ke ŋwan esie, ŋwan eke minimke ke akpanikɔ ama onyuŋ akabare edi edisana ke eyen-ete oro: midige ntre, nditɔ mbufo ikpasanake; edi kemi mmɔ esana.

1 SAMUEL 1:24

Ndien adaŋemi enye akanamde eyen adaha ke eba, enye ada enye ye enaŋ ita, ye eti ndom-uyo ke ephah kiet, ye wine ke ikpa, ɔdɔk, onyuŋ ada enye aka ke ufɔk Jehovah ke Shiloh; ndien eyen oro edi eyenɔwɔŋ.