MATTHEW 18:9 - Edisana ñwed Abasi Ibom

⁹ Edieke enyin fo esinde fi ɔduɔ, wobere enye, top, duɔk; ɔfɔn ye afo ndida enyin kiet mbe nduk uwem, akan afo ndikpenyene enyin iba, ndien eduɔk fi ke hell emi asakde ikaŋ.

MATTHEW 18:9 ပူးပေါင်းရင်းမြစ်များ

MATTHEW 16:26

Koro nso udori ke owo edikut, edieke enye adiade ofuri ererimbot, ndien ada uwen esie osio isop? mme nso ke owo edinɔ ke ibuot uwem esie?

MATTHEW 18:8

Edi edieke ubɔk fo mme ukot fo esinde fi ɔduɔ, sibe enye, top, duɔk; ɔfɔn ye afo ndibe nduk uwem ye unan mme mbuŋɔ, akan afo ndikpenyene ubɔk iba mme ukot iba ndien eduɔk fi ke nsinsi ikaŋ.

MATTHEW 19:17

Edi Jesus ete enye, Nsinam obupde Mi abaŋa se idide eti: Kiet odu emi edide eti: edi edieke oyomde ndiduk uwem, nim mbet.

MATTHEW 5:22

Edi Ami ndɔhɔ mbufo nte, owo ekededi eke ayatde esit ye eyen-ete esie esesin idem ke ikpe; owo ekededi eke ɔdɔhɔde eyen-ete esie ete, Raca (ikpikpu owo), esesin idem ke ikpe Sanhedrin; owo ekededi eke ɔdɔhɔde ete, Afo ndisime, esesin idem ke ufen hell eke asakde ikaŋ.

MATTHEW 5:29

Edi edieke enyin nnasia fo esinde fi ɔduɔ, wubere enye, top, duɔk: koro ɔfɔn ye afo ubak idem fo nditak utu ke ndikpɔduɔk fi ofuri idem ke hell.

MARK 9:47

Onyuŋ edieke enyin fo esinde fi ɔduɔ, wubere enye duɔk: ɔfɔn fi ndida enyin kiet nduk ke Obio Ubɔŋ Abasi akan ndikpenyene enyin iba, ndien eduɔk fi ke hell;

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

MME HEBREW 4:11

Mmɔdo eyak nnyin isin ifik iduk ke nduɔk-odudu oro, mbak owo baba kiet ediduk ke oruk ntut-utɔŋ oro ɔduɔ.

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.