MATTHEW 18:8 - Edisana ñwed Abasi Ibom

⁸ Edi edieke ubɔk fo mme ukot fo esinde fi ɔduɔ, sibe enye, top, duɔk; ɔfɔn ye afo ndibe nduk uwem ye unan mme mbuŋɔ, akan afo ndikpenyene ubɔk iba mme ukot iba ndien eduɔk fi ke nsinsi ikaŋ.

MATTHEW 18:8 ပူးပေါင်းရင်းမြစ်များ

ISAIAH 30:22

Ndien mbufo eyebat se edade efuk mbiet a silver fo, ye edisine-ŋkpɔ mbiet o-gold fo ke mbubiam: afo eyemen mmɔ ɔduɔk nte ŋkpɔ ndek; eyedɔhɔ enye, ete, Wɔrɔ.

ISAIAH 33:14

Mme idiɔk owo ke Zion ke edikhe; unyek-idem omum mme oburobut owo: “Anie ke otu nnyin ekeme ndiduŋ ke ikaŋ eke atade? Anie ke otu nnyin ekeme ndiduŋ ke nsinsi erisak?”

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

MATTHEW 17:27

Edi mbak nnyin idiyat mmɔ esit, ka ke inyaŋ kɔduɔk uwam, nyuŋ men akpa iyak eke omumde; ndien ke ama atat enye inua eyekut okuk; da oro, nɔ mmɔ ke udeme Mi ye okuo.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

LUKE 14:33

Kpa ntre ke owo mbufo ekededi, eke misanake kpukpru se enye enyenede iyak, ikemeke ndidi mbet Mi.

LUKE 16:24

Enye onyuŋ ofiori ete, Ete Abraham, tua mi mbɔm, nyuŋ dɔŋ Lazarus ekedebi iso nnuen ubɔk esie ke mmɔŋ, edibit edeme mi; koro ndude ke ndutuhɔ ke ikaŋ emi.

ŊWED MBON ROME 13:12

Okoneyo ɔnyɔŋ ebe efep, uwem-eyo ke ekpere; eyak nnyin ifɔrɔre ndien utom ekim, inyuŋ isine ŋkpɔ-ekɔŋ uŋwana.

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ:

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.