MATTHEW 18:3 - Edisana ñwed Abasi Ibom

³ ete, Ke akpanikɔ ke ndɔhɔ mbufo, ibɔhɔke mbufo ewɔŋɔre ekabare etie nte ŋkpri nitɔwɔŋ, mbufo ididukke ke Obio Ubɔŋ Heaven.

MATTHEW 18:3 ပူးပေါင်းရင်းမြစ်များ

ŊWED MME PSALM 131:2

Ŋkɔm mmɔsuhɔ, mmonyuŋ ndop ukpɔŋ mi, nte eyen eke adahade ke eba, eke anade eka esie ke ubɔk. Ukpɔŋ ana mi ke idem, kpa nte eyen eke adahade ke eba.

ISAIAH 6:10

Nam esit mbio emi odobi, nyuŋ nam utɔŋ odobi mmɔ, nyuŋ tibi mmɔ enyin: mbak mmɔ edikut ke enyin mmɔ, edinyuŋ ekop ke utɔŋ mmɔ, enyuŋ etim efiɔk ŋkpɔ ke esit mmɔ, enyuŋ ekabare, ndien ekɔk mmɔ. Ndien ndɔhɔ nte, Ɔbɔŋ adaŋa didie?

MATTHEW 13:15

Koro esit mbon emi ama akabare odobi, Utɔŋ mmɔ onyuŋ ɔsɔŋ ndikop ikɔ, Mmɔ enyuŋ ebɔp enyin; Mbak mmɔ edida enyin mmɔ ekut usuŋ, Enyuŋ eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ, Enyuŋ etɔŋɔ ntak ekabare, Ndien Ami nnam udɔŋɔ okure mmɔ.

MATTHEW 18:2

Ndien Enye okot ekpri eyenɔwɔŋ edi, onim ke ufɔt mmɔ,

MATTHEW 18:4

Mmɔdo owo ekededi eke edisuhɔrede idem nte ekpri eyenɔwɔŋ emi, kpa enye okpon akan ke Obio Ubɔŋ Heaven.

MATTHEW 19:14

Edi Jesus ɔdɔhɔ mmɔ ete, Eyak ŋkpri nditɔ, ekukpan mmɔ nditiene Mi; koro Obio Ubɔŋ Heaven edide eke oruk emi.

MATTHEW 19:23

Edi Jesus ɔdɔhɔ mbet Esie ete, Ke akpanikɔ ke ndɔhɔ mbufo, ɔsɔŋ owo inyene ndiduk ke Obio Ubɔŋ Heaven.

MATTHEW 5:18

Koro ke akpanikɔ ke ndɔhɔ mbufo, Tutu enyɔŋ ye isɔŋ ebe efep, baba ntɔi kiet mme ekpri ŋkpɔ kiet idibehe ifep ke ibet, tutu kpukpru ŋkpɔ esu.

MATTHEW 5:20

Koro ndɔhɔ mbufo nte Edieke edinen ido mbufo mikanke eke mme scribe ye mme Pharisee, mbufo ididukke ke Obio Ubɔŋ heaven.

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:2

Mmɔdo ke ini ɔnɔde eyen ubuene ŋkpɔ, kutaŋ ese, nte mbio mbubik enamde ke mme synagogue ye mme efak, ete owo ekpono mme imɔ. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:5

Ke ini mbufo enyuŋ ebɔŋde akam, ekubiet mbon mbubik: koro mmɔ ema ndida ke mme synagogue ye ke mme inuk efak mbɔŋ akam, ete iwut owo idem. Ke akpanikɔ ke ndɔhɔ mbufo, Mmɔ ema ebɔ utip mmɔ.

MARK 4:12

man mmɔ esuk ese ŋkpɔ, edi ekukut; enyuŋ esuk ekop ŋko, edi ekufiɔk; mbak mmɔ edikabare, ndien edahado enɔ mmɔ.

LUKE 13:24

Edi Enye ɔbɔrɔ mmɔ ete, Mbufo eŋwana eti-eti ndibe ke mfafaha inua-otop nduk: koro ndɔhɔ mbufo nte, ediwak owo eyeyom ndiduk, ndien idikemeke.

LUKE 22:32

nte mbuɔt-idem okubɔhɔ fi: ndien afo ŋko, ke ini editɔŋɔde ntak akabare, sɔŋɔ nditɔ-ete fo idem.

JOHN 1:51

Jesus onyuŋ ɔdɔhɔ enye ete, Ke akpanikɔ ke ndɔhɔ mbufo nte, Mbufo eyekut nte enyɔŋ ɔkibɔrede, ye nte mme angel Abasi edɔdɔk esɔsuhɔre edore Eyen Owo ke idem.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

JOHN 3:5

Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

UTOM MME APOSTLE 28:27

Koro esit mmɔ emi amakabare odobi, Utɔŋ onyuŋ odobi mmɔ ndikop ikɔ, Mmɔ emenyuŋ ebɔp enyin; Mbak mmɔ edida enyin mmɔ ekut usuŋ, Eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ enyuŋ ekabare, Ndien Ami ŋkɔk mmɔ.

UTOM MME APOSTLE 3:19

Ekabare esit ndien, enyuŋ efiak edem, man esɔhi mme idiɔk-ŋkpɔ mbufo efep; man oto do ini eridemere edito ke iso Jehovah osim mbufo;

1 ŊWED CORINTH 14:20

Nditɔ-ete mi, ekudi nditɔwɔŋ ke ekikere, edi ke erinam ibak etie nte nsek nditɔ; edi ke ekikere etie nte ikpɔ owo.

1 PETER 2:2

nte nsek-nditɔ, eyom ata mmɔŋ-eba Spirit, man mbufo eda enye ekɔri esim erinyaŋa,

2 PETER 1:11

koro edi ntem ke edinɔ mbufo ɔyɔhɔ odudu ndibe nduk ke nsinsi Obio Ubɔŋ Ɔbɔŋ ye Andinyaŋa nnyin Jesus Christ.