MATTHEW 18:19 - Edisana ñwed Abasi Ibom

¹⁹ Mmonyuŋ ntɔŋɔ ntak ndɔhɔ mbufo nte, owo iba ke otu mbufo ema eduk ediomi ebaŋa ŋkpɔ ekededi eke mmɔ edibeŋede, Ete Mi emi odude ke heaven eyenam ŋkpɔ oro ɔnɔ mmɔ.

MATTHEW 18:19 ပူးပေါင်းရင်းမြစ်များ

MATTHEW 21:22

Ndien kpukpru ŋkpɔ ekededi eke mbufo edibeŋede ke akam, edinyuŋ ebuɔtdeidem, mbufo eyenyene.

MATTHEW 5:24

kpɔŋ enɔ fo do ke iso itie-uwa, ka kebem iso nam emem ye eyen -ete fo, ndien di diwa enɔ fo.

MATTHEW 7:7

Ebeŋe, ndien eyenɔ mbufo; eyom, ndien mbufo eyekut; etuak, ndien eyesio usuŋ enɔ mbufo:

MARK 11:24

Mmɔdo ndɔhɔ mbufo nte, Kpukpru ŋkpɔ ekededi eke mbufo ebɔŋde akam ebeŋe, enim ete mme imɔ ima ibɔ inyene, ndien eyewɔrɔ ɔnɔ mbufo.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

JOHN 15:7

Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.

JOHN 16:23

Ekem ke usen oro mbufo idibupke Mi baba ŋkpɔ kiet. Ke akpanikɔ ke ndɔhɔ mbufo, ŋkpɔ ekededi eke edibeŋede Ete, Enye eyenɔ mbufo ke enyiŋ Mi.

UTOM MME APOSTLE 1:14

Kpukpru mmɔ emi eda esit kiet edɔdiɔŋ eyire ke akam, ye iban oro, ye Mary eka Jesus, ye nditɔ eka Esie.

UTOM MME APOSTLE 12:5

Mmɔdo ekpeme Peter ke ufɔk-ŋkpɔkɔbi: edi ufɔk Abasi esɔŋɔ ebɔŋ akam enɔ Abasi ebaŋa enye.

UTOM MME APOSTLE 16:10

Ke adaŋemi enye okutde ŋkukut oro, kpa ke idaha oro nnyin iyom usuŋ nte ikade ke Macedonia, ibiere ite, Abasi okot nnyin ete ikwɔrɔ gospel inɔ mmɔ.

UTOM MME APOSTLE 6:4

Edi nnyin iyesuk iyire ke akam ye ke utom ikɔ Abasi.

ŊWED MBON PHILIPPI 1:19

ke akpanikɔ nyenyuŋ ndadara; koro mmɔfiɔk nte ŋkpɔ emi eyewɔrɔ erinyaŋa ɔnɔ mi, oto ke mkpe-ubɔk mbufo, ye Spirit emi Jesus Christ edinɔde mi:

1 JOHN 3:22

nnyin inyene uko ye Abasi; iyenyuŋ ibɔ se ededi eke ibeŋede ke ubɔk Esie, sia nnyin inimde mbet Esie, inyuŋ inamde se inemde Enye esit.