MATTHEW 18:16 - Edisana ñwed Abasi Ibom

¹⁶ Edieke enye okopde uyo fo, afo amada eyen-ete fo enyene. Edi edieke enye mikopke uyo fo, da owo kiet mme iba dian idem, man ke inua ntiense iba mme ita kpukpru ikɔ ekpɔsɔŋɔ eda.

MATTHEW 18:16 ပူးပေါင်းရင်းမြစ်များ

1 NDIDEM 21:13

ata mme oburobut owo, eduk eketie ke iso Naboth: ndien mme oburobut owo oro etiŋ ikɔ ntiense edian enye Naboth, ke iso mbio-obio, ete, Naboth okosuŋi Abasi ye edidem. Ndien mmɔ esio enye eka ke edem obio, eketɔŋɔ enye ke itiat, ewot.

NUMBERS 35:30

Owo ekededi ama owot owo, yak eda uyo ntiense ewot owot-owo oro: edi owo kierakiet okudi ntiense ɔnɔ owo akpa.

JOHN 8:17

Ŋko ewet ke ibet mbufo ete, ikɔ-ntiense ke inua owo iba edi akpanikɔ.

2 ŊWED CORINTH 13:1

EMI edi ɔyɔhɔ eridi mi utim ikata ke ɔtɔ mbufo; ke inua ntiense iba mme ita ke kpukpru ikɔ eyesɔŋɔ eda.

DEUTERONOMY 17:6

Da inua ntiense iba, mme eke ntiense ita, wot owo mkpa oro; kuda inua ntiense kierakiet uwot enye.

DEUTERONOMY 19:15

Ntiense kierakiet okudaha ada obiomo owo ke ukwaŋ-ŋkpɔ ekededi, mme ke isop ekededi, ke isop ekededi eke enye eduede: ke inua ntiense iba, mme ke inua ntiense ita, ikɔ edisɔŋɔ ada.

1ŊWED TIMOTHY 5:19

Kukop ikɔ-edem eke etiŋde edian ebiowo, ibɔhɔke oto ke inua owo iba mme ita.

MME HEBREW 10:28

Owo eke midaha mbet Moses ikɔm ŋkpɔ akakpa ke uyo ntiense iba me ita, ituaha enye mbɔm;

ERIYARARE 11:3

Nyenyuŋ mmen odudu nnɔ ntiense Mi iba, ndien mmɔ eyesine ɔfɔŋ-ikpo etiŋ nte prophet ke thousand usen kiet ye usen ikie iba ye ata.