MATTHEW 18:14 - Edisana ñwed Abasi Ibom

¹⁴ Kpasuk ntre idige uduak Ete mbufo ke heaven ete kiet ke otu ŋkpri nditɔwɔŋ emi akpatak.

MATTHEW 18:14 ပူးပေါင်းရင်းမြစ်များ

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

MATTHEW 18:13

Ndien ama ɔwɔrɔ ete okut enye, ke akpanikɔ ke ndɔhɔ mbufo, enye adat esit abaŋa erɔŋ oro akan anaŋ ye efurenaŋ emi mikosopke.

MATTHEW 18:15

Edi edieke eyen-ete fo eduede fi, ka kasua ndudue esie nɔ enye, suk fi ye enye ikpɔŋ.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

MATTHEW 6:32

Koro mme Gentile eyom kpukpru ŋkpɔ emi: koro Ete mbufo ke heaven ɔmɔfiɔk ete kpukpru ŋkpɔ emi enana mbufo.

MATTHEW 6:9

Ebɔŋ akam ntem ndien, ete, Ete nnyin emi odude ke heaven: Yak ikpono enyin Fo,

LUKE 12:32

Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

JOHN 17:12

Ke adaŋemi ŋkodude ye mmɔ, Ami mma nda enyiŋ Fo ŋkama mmɔ emi Afo ɔkɔnɔde Mi; mma nnyuŋ ŋkpeme mmɔ, ndien baba owo mmɔ kiet ikatakke, ke mibɔhɔke eyen nsobo; man se ewetde osu.

JOHN 21:15

Ntre ke mmɔ ekedia ŋkpɔ, Jesus obup Simon Peter ete, Simon, eyen John, nte ama Mi akan mmɔ emi? Peter ɔdɔhɔ Enye ete, Edi ntre, Ɔbɔŋ. Afo ɔmɔfiɔk ete mmama fi. Jesus ete enye, Bɔk nditɔ-erɔŋ Mi.

2 ŊWED TIMOTHY 2:10

Ntre ke mme ime ye kpukpru ŋkpɔ mbaŋa mmɔ emi Abasi ekemekde, man mmɔ ŋko enyene erinyaŋa emi odude ke Christ Jesus, enyuŋ ebɔ nsinsi ubɔŋ.

MME HEBREW 12:13

enyuŋ esiak afaŋ eke enende enɔ ikpat mbufo, man ukot eke edide mbuŋɔ ekufebede, edi ekam enam mmɔ ekop nsɔŋidem.

2 PETER 3:9

Ɔbɔŋ iduɔnke ke erinam uŋwɔŋɔ Esie, ke ido nte ndusuk owo ekerede ete, Enye ɔduɔn; Enye akam enyene anyan ime ye mbufo, inyuŋ iyomke baba owo kiet atak, edi oyom kpukpru owo etua mkpɔfiɔk ekabare esit.