MATTHEW 17:6 - Edisana ñwed Abasi Ibom

⁶ Ekem ke ini mbet ekopde uyo oro mmɔ eduɔŋɔ ekibi iso ke isɔŋ, ndik onyuŋ anam mmɔ eti-eti

MATTHEW 17:6 ပူးပေါင်းရင်းမြစ်များ

1 CHRONICLES 21:16

Ndien David emenere enyin esie okut angel Jehovah, nte enye adade ke ufɔt isɔŋ ye enyɔŋ ke akama ofut afai ke ubɔk, anyan ese Jerusalem. Ndien David ye mbiowo esine ɔfɔŋ-ikpo ke idem eduɔŋɔ ke isɔŋ ekubi iso mmɔ.

EZEKIEL 3:23

Ndien ndaha ke enyɔŋ, nnyuŋ ŋwɔrɔ ŋka ke ebedeŋ oro: ndien, sese, ubɔŋ Jehovah ke ada do ebiet ubɔŋ oro ŋkokutde ke mben akpa Chebar: ndien nduɔ ke isɔŋ ŋkubi iso mi.

EZEKIEL 43:3

Ndien ndise esie ebiet ndise oro ŋkokutde, ebiet ndise emi ŋkokutde adaŋemi ndide ndisobo obio: ndise esie onyuŋ ebiet ndise emi ŋkokutde ke mben akpa Chebar, ndien nduɔ ke isɔŋ ŋkubi iso mi.

DANIEL 8:17

Ndien enye edi ke ɔtɔ ami ndade: ndien ke ini enye edide, ami ndikhe, nnyuŋ nduɔ ke isɔŋ ŋkubi iso mi; ndien enye ɔdɔhɔ mi, ete, Eyen owo, tim fiɔk ete ke ŋkukut emi aka ekperedem ini.

LEVITICUS 9:24

Ndien ikaŋ oto ke iso Jehovah, edita edifɔp uwa ye ikpɔŋ ke itie-uwa: ndien ke ini kpukpru owo ekutde, mmɔ efiori, enyuŋ eduɔŋɔ ekubi iso mmɔ.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

MATTHEW 17:7

Edi Jesus edi edituk mmɔ, ete, Edaha ke enyɔŋ, ekufehe.

UTOM MME APOSTLE 22:7

Ndien nduɔ ke isɔŋ, nnyuŋ ŋkop uyo nte ɔdɔhɔde mi ete, Saul, Saul, nsinam afo ɔkɔbɔde Mi?

UTOM MME APOSTLE 26:14

Ndien ke adaŋemi nnyin kpukpru iduɔŋɔde ke isɔŋ, ŋkop uyo nte ɔdɔhɔde mi ke usem Hebrew, ete, Saul, Saul, nsinam afo ɔkɔbɔde mi? edi ɔkpɔsɔŋ ŋkpɔ ye afo nditiga ŋkimenaŋ.

2 PETER 1:18

nnyin ke idem nnyin ikokop uyo oro, nte otode ke enyɔŋ ɔwɔrɔ, ke ini nnyin idude ye Enye ke edisana obot oro.

JUDGES 13:20

Ndien edikem adaŋemi ikaŋ obuberede ke itie-uwa ɔdɔk ke enyɔŋ, angel Jehovah asaŋa ke edeme-ikaŋ itie-uwa ɔdɔk. Ndien Manoah ye ŋwan esie ese, ndien eduɔ ke isɔŋ ekubi iso mmɔ.

JUDGES 13:22

Ndien Manoah ɔdɔhɔ ŋwan esie, ete, Nnyin iditreke ndikpa: