MATTHEW 17:27 - Edisana ñwed Abasi Ibom

²⁷ Edi mbak nnyin idiyat mmɔ esit, ka ke inyaŋ kɔduɔk uwam, nyuŋ men akpa iyak eke omumde; ndien ke ama atat enye inua eyekut okuk; da oro, nɔ mmɔ ke udeme Mi ye okuo.

MATTHEW 17:27 ပူးပေါင်းရင်းမြစ်များ

GENESIS 1:28

Ndien Abasi ɔdiɔŋ mmɔ, Abasi onyuŋ ɔdɔhɔ mmɔ ete, Mbufo etɔt, enyuŋ ewak, enyuŋ eyɔhɔ ke isɔŋ, enyuŋ ekan enye: enyuŋ ekara iyak ke akamba mmɔŋ, ye inuen ke enyɔŋ, ye kpukpru nkpɔ uwem eke enyɔnide ke isɔŋ.

1 NDIDEM 17:4

Ndien ama ekem afo eyeŋwɔŋ mmɔŋ ke idim: mmonyuŋ nteme mme utere nte ebɔk fi do.

ŊWED MME PSALM 8:8

inuen enyɔŋ, ye iyak ke mmɔŋ, emi esaŋade ke usuŋ inyaŋ ebe.

JONAH 1:17

Ndien Jehovah ama okonim akamba iyak kiet, ete, emen Jonah esin ke idibi. Ndien Jonah odu iyak oro ke idibi ke uwemeyo ita ye okoneyo ita.

JONAH 2:10

Ndien Jehovah ɔdɔhɔ iyak oro, ndien iyak ɔkpɔhi Jonah ɔduɔk ke obot.

MATTHEW 17:26

Peter ete, Ebɔ isen owo. Jesus ɔdɔhɔ enye ete, Ntre ke ikɔt mmɔ ebɔhɔ.

MATTHEW 18:6

edi owo ekededi eke edisinde kiet ke otu ŋkpri nditɔwɔŋ emi ebuɔtde idem ye Ami ɔduɔ, ɔfɔn akan ye enye nte ekpadade akamba itiat ukɔk-ŋkpɔ ekɔŋɔ enye ke itɔŋ, enyuŋ eduɔk enye ke udem inyaŋ.

MATTHEW 18:8

Edi edieke ubɔk fo mme ukot fo esinde fi ɔduɔ, sibe enye, top, duɔk; ɔfɔn ye afo ndibe nduk uwem ye unan mme mbuŋɔ, akan afo ndikpenyene ubɔk iba mme ukot iba ndien eduɔk fi ke nsinsi ikaŋ.

MATTHEW 5:29

Edi edieke enyin nnasia fo esinde fi ɔduɔ, wubere enye, top, duɔk: koro ɔfɔn ye afo ubak idem fo nditak utu ke ndikpɔduɔk fi ofuri idem ke hell.

MATTHEW 5:30

Onyuŋ edieke ubɔk nasia fo esinde fi ɔduɔ, sibe enye, top, duɔk: koro ɔfɔn ye afo ubak idem kiet nditak utu ke ndikpesin fi ofuri idem ke hell.

MARK 9:42

Ndien owo ekededi eke edisinde kiet ke otu ŋkpri nditɔwɔŋ emi enimde ke akpanikɔ ɔduɔ, ɔfɔn akan ye enye nte ekpadade akwa itiat ukɔk-ŋkpɔ ekɔŋɔ enye ke itɔŋ, enyuŋ etop enye eduɔk ke inyaŋ.

MARK 9:43

Ndien edieke ubɔk fo esinde fi ɔduɔ, sibe enye fep:

LUKE 17:2

Ɔkpɔfɔn ye enye owo ndikpada itiat-ɔkɔk ibo-kpot ŋkɔŋɔ enye ke itɔŋ, ndien eduɔk enye ke inyaŋ, akan enye ndinam ŋkpri nditɔ emi kiet ɔduɔ.

JOHN 6:61

Edi Jesus ɔfiɔk ke esit Esie ete mbet Imɔ ke esuk uyo ebaŋa ikɔ oro, onyuŋ ɔdɔhɔ mmɔ ete, Nte ikɔ emi esin mbufo eduɔ?

ŊWED MBON ROME 14:21

Ɔfɔn nditre ndita unam nnyuŋ ŋwɔŋ wine, nnyuŋ nnam ŋkpɔ ekededi eke esinde eyen-ete fo atuak ukot ɔduɔ.

1 ŊWED CORINTH 8:13

Ntem, edieke unam edisinde eyen-ete mi atuak ukot ɔduɔ, nditaha unam tutu amama, mbak ndinam eyen-ete mi atuak ukot ɔduɔ.

1 ŊWED CORINTH 8:9

Etim ekpeme ndien, mbak ŋkpɔ eke esit mbufo ayakde ɔnɔ mbufo edikabare edi ŋkpɔ-iduɔ ɔnɔ mbon mmem-mmem esit.

2 ŊWED CORINTH 6:3

Nnyin inimke ubiɔŋɔ baba kiet ke afaŋ mbufo, mbak owo editiŋ ŋkpɔ abiat utom eke inamde:

2 ŊWED CORINTH 8:9

Koro mbufo emefiɔk mfɔn Ɔbɔŋ nnyin Jesus Christ, ete, okposuk edi nte enye ekedide enyene-ŋkpɔ, ke ntak mbufo Enye akabare edi ubuene, man oto ke ubuene Esie mbufo ekabare edi mme enyene-ŋkpɔ.

1 ŊWED THESSALONICA 5:22

Ebet kpukpru oruk idiɔk-ŋkpɔ.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?