MATTHEW 17:21 - Edisana ñwed Abasi Ibom

²¹ Koro ke akpanikɔ ke ndɔhɔ mbufo, Edieke mbufo ekpenyenede mbuɔtidem nte mkpasip mustard, mbufo ekpɔdɔhɔ obot emi ete, daha kpɔŋ ɔtɔ emi, kɔwuhɔ ko, ndien enye eyedaha: baba ŋkpɔ kiet idinyuŋ isɔŋke ikan mbufo.

MATTHEW 17:21 ပူးပေါင်းရင်းမြစ်များ

1 NDIDEM 17:20

Ndien enye eseme ɔnɔ Jehovah, ete, O Jehovah Abasi mi, nte afo onyuŋ ada idiɔk-ŋkpɔ etiene ebe-akpa emi nduŋde ye enye, ke eriwot eyen esie?

DANIEL 9:3

Ndien ŋwuk iso mi nse Ɔbɔŋ Abasi, nnyuŋ nyom mkpe-ubɔk, ye eseme, ye utre-udia, ye ɔfɔŋ-ikpo, ye ntɔŋ:

MATTHEW 12:45

Ekem enye aka akada spirit itiaba efen eke ediɔkde ekan idem esie adian idem, ndien mmɔ eduk ekoduŋ do: ndien ukperedem itie owo oro akabare ɔdiɔk akan mbemiso. Kpa ntre ke edidi ye idiɔk emana emi.

MATTHEW 17:22

Edi ke ini mmɔ esuk esasaŋa ke Galilee, Jesus ɔdɔhɔ mmɔ ete, emɔŋ edida Eyen Owo esin mme owo ke ubɔk, ndien mmɔ eyewot Enye;

MARK 9:29

Edi Enye ete mmɔ, Oruk emi ikemeke ndiwɔrɔ, ibɔhɔke ke akam.

UTOM MME APOSTLE 13:2

Edi nte mmɔ enamde ŋkpɔ enɔ Ɔbɔŋ, enyuŋ etrede udia, Edisana Spirit ɔdɔhɔ mmɔ ete, Edianare Barnabas ye Saul enɔ Mi, man mmɔ enam utom oro ŋkokotde mmɔ nnɔ.

UTOM MME APOSTLE 14:23

Edi ke ema ekemek mbiowo enim enɔ mmɔ ke kpukpru ufɔk Abasi, enyuŋ ebɔŋ akam, enyuŋ etre udia, eyak mmɔ esin ke ubɔk Ɔbɔŋ emi mmɔ ekebuɔtde idem ye Enye.

1 ŊWED CORINTH 7:5

Ekubɔ kiet eken se idide unen esie, ibɔhɔke oto erinyime nkaŋ mbiba ke ekpri ini, man mbufo esin idem ke akam, enyuŋ efiak edidiana; mbak Satan editap mbufo oto koro mbufo mikemeke ndikara esit mbufo.

2 ŊWED CORINTH 11:27

ediwak ini ndu ke ɔkpɔsɔŋ utom ye eŋwan, ye ataba-idap; ediwak ini ndu ke biɔŋ ye nsat-itɔŋ ye unana se ndiade; tuep omum mi, nnyuŋ nnyeneke se nsinede.

ŊWED MBON EPHESUS 6:18

eda kpukpru akam ye mkpe-ubɔk ebɔŋ akam ke Spirit kpukpru ini, enyuŋ ekpeme ndinam ntem, enyuŋ eda ofuri ifik ye mkpe-ubɔk ekpeme ndibɔŋ akam mbaŋa kpukpru ikɔt Abasi, nnyuŋ mbaŋa mi ŋko,