MATTHEW 17:18 - Edisana ñwed Abasi Ibom

¹⁸ Ekem Jesus asua ɔnɔ demon, enye oro onyuŋ ɔwɔrɔ eyen ke idem; ndien udɔŋɔ okure enye kpa ke ini oro.

MATTHEW 17:18 ပူးပေါင်းရင်းမြစ်များ

MATTHEW 12:22

Ekem eda owo kiet emi enyenede demon, emi edide nnan ye imum, esɔk Enye: ndien enye anam udɔŋɔ esie okure, esin owo imum oro etiŋ ikɔ onyuŋ okut usuŋ.

MATTHEW 15:28

Ekem Jesus ɔbɔrɔ enye ete, O ŋwan, mbuɔtidem fo omokpon; yak ɔwɔrɔ ɔnɔ fi nte oyomde. Ndien eyen esie okop nsɔŋidem ɔtɔŋɔde ke ini oro.

MATTHEW 17:17

Edi Jesus ɔbɔrɔ ete, O emana unana mbuɔtidem ye emana ukwaŋido, adaŋa didie ke ndidu ye mbufo? adaŋa didie ke ndime ime ye mbufo? Da enye sɔk Mi mi.

MATTHEW 17:19

Ekem mbet etiene Jesus ekobup Enye ke ndibe ete, Nsinam nnyin mikekemeke ndibin enye nduɔk?

MATTHEW 9:22

Edi Jesus ɔwɔŋɔre idem okut ŋwan oro, onyuŋ ɔdɔhɔ enye ete, Eyen Mi, sɔŋ esit: mbuɔtidem fo amanam fi okop nsɔŋidem. Ndien idem ɔsɔŋ ŋwan oro tɔŋɔ ini oro.

MARK 1:34

Ndien Enye anam ediwak owo emi edɔŋɔde nsio-nsio udɔŋɔ, ekop nsɔŋidem, onyuŋ ebin ediwak demon ɔduɔk; inyuŋ iyakke mme demon esioro uyo, koro mmɔ ediɔŋɔde Enye.

MARK 5:8

Koro Jesus ɔkɔdɔhɔde enye ete, Afo edidehe spirit, wɔrɔ owo oro ke idem.

LUKE 4:41

Demon enyuŋ ewɔŋɔ ediwak owo ke idem, efiori ete, Afo edi Eyen Abasi. Edi Enye asua ɔnɔ mmɔ iyakke mmɔ esioro uyo; koro mmɔ efiɔkde ete Enye edi Christ.

LUKE 8:29

Mmekpe Fi ubɔk, kutuhɔre mi. Koro Jesus okowukde edidehe spirit, ete, Wɔrɔ owo oro ke idem. Koro spirit esimum enye ediwak ini; ndien eda ŋkpɔkɔbi ye ebuka ekɔbi enye, man etem enye ɔtɔ kiet: edi enye okibi ŋkpɔkɔbi, demon onyuŋ ebin enye esin ke desert.

LUKE 9:42

Da eyen fo di ken. Edi nte enye asaŋade edi, demon osio enye ɔduɔk ke isɔŋ, onyuŋ esiŋere enye ɔkpɔsɔŋ. Edi Jesus asua ɔnɔ edidehe spirit oro, onyuŋ anam eyen okop nsɔŋidem, onyuŋ ayak enye ɔnɔ ete esie.

UTOM MME APOSTLE 16:18

Enye onyuŋ anam emi ediwak usen. Edi esit otimere Paul eti-eti, enye onyuŋ ɔwɔŋɔre ɔdɔhɔ spirit oro ete, Mmowuk fi ke enyiŋ Jesus Christ nte ɔwɔrɔ enye ke idem. Ndien spirit ɔwɔrɔ kpa ke ini oro.