MATTHEW 17:17 - Edisana ñwed Abasi Ibom

¹⁷ Edi Jesus ɔbɔrɔ ete, O emana unana mbuɔtidem ye emana ukwaŋido, adaŋa didie ke ndidu ye mbufo? adaŋa didie ke ndime ime ye mbufo? Da enye sɔk Mi mi.

MATTHEW 17:17 ပူးပေါင်းရင်းမြစ်များ

ŊWED MME PSALM 95:10

Emana oro ada efek mi ke ofuri isua aba, ndien ndɔhɔ nte ke mmɔ edi mbon eke esit mmɔ eyode, ndien mmɔ ifiɔkke usuŋ mi.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

EXODUS 16:28

Ndien Jehovah ɔdɔhɔ Moses ete, Adaŋa didie ke mbufo edisin ndinim mme ewuhɔ mi ye mme mbet mi?

MME ŊKE 1:22

Adaŋa didie ke mbufo mme ɔkɔi edima ɔkɔi? Nsahi edinyuŋ enem mbon nsahi, ndisime edinyuŋ esua ifiɔk?

MME ŊKE 6:9

O ifem, adaŋa didie ke afo edisuk ana? Ke ini ewe ke afo edidemere ke idap fo?

ISAIAH 19:14

Jehovah amada spirit ndutime abuak enye ke esit: ndien mmɔ enam Egypt oyo ke kpukpru se enye anamde, kpa nte owo mmin asaŋade oyo ke ikpɔhi esie.

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

NUMBERS 14:11

Jehovah onyuŋ ɔdɔhɔ Moses, ete, Adaŋa didie ke mbio emi edisin mi ke ndek? Ke adaŋa ewe ini ke mmɔ edinim uyo mi ke akpanikɔ? ebaŋa kpukpru mme utibe ŋkpɔ emi ŋkanamde ke otu mmɔ?

NUMBERS 14:27

Adaŋa didie ke ndidahado nnɔ idiɔk mbon esop emi esukde mi uyo? Mmokop nsukuyo nditɔ Israel, emi mmɔ esukde mi?

MATTHEW 13:58

Enye inyuŋ inamke ediwak utom odudu do oto ke ntak unana mbuɔtidem mmɔ.

MATTHEW 16:8

Edi ke ini Jesus ɔfiɔkde emi, Enye ɔdɔhɔ mmɔ ete, O mbufo nditɔ ekpri mbuɔtidem, nsinam mbufo enenide ke otu idem mbufo koro mbufo minyeneke uyo?

MATTHEW 17:16

Ndien ŋkada enye nsɔk mbet Fo, edi mmɔ ikemeke ndinam udɔŋɔ okure enye.

MATTHEW 17:18

Ekem Jesus asua ɔnɔ demon, enye oro onyuŋ ɔwɔrɔ eyen ke idem; ndien udɔŋɔ okure enye kpa ke ini oro.

MATTHEW 6:30

Edi edieke Abasi esinede mbiet iŋwaŋ nkpɔ ntem, kpa mbiet eke odude mfin, ndien mkpɔŋ emen esin ke usaŋ-uyo, nte Enye idisineke mbufo ŋkpɔ ikan, O mbufo nditɔ ekpri mbuɔtidem?

MATTHEW 8:26

Enye ete mmɔ, Nsinam mbufo efehede ndik, O mbufo nditɔ ekpri mbuɔtidem? Ekem Enye adaha ke enyɔŋ, asua ɔnɔ ofim ye inyaŋ; inyaŋ onyuŋ ana suŋ.

MARK 16:14

Ke ukperedem Enye ayarare Idem Esie ɔnɔ mbet Esie duop-ekiet ke idem mmɔ nte mmɔ etiede ke itie-udia; Enye onyuŋ asua unana mbuɔtidem ye nsɔŋesit mmɔ ɔnɔ mmɔ, koro mmɔ minimke mmɔ oro ekokutde Enye ke Enye ama ekeset ke akpanikɔ.

MARK 9:19

Edi Jesus ɔbɔrɔ mmɔ ete, O emana emi ananade mbuɔtidem, adaŋa didie ke ndidu ye mbufo? adaŋa didie ke ndime ime ye mbufo? da enye sɔk Mi. Mmɔ eda enye esɔk Jesus.

LUKE 24:25

Ekem Enye ɔdɔhɔ mmɔ ete, O mbon emi enanade ibuot, emi misɔpke ndinim kpukpru se mme prophet eketiŋde ke akpanikɔ.

LUKE 9:41

Edi Jesus ɔbɔrɔ ete, O emana unana mbuɔtidem ye ukwaŋido, adaŋa didie ke ndidu ye mbufo, nnyuŋ mme ime ye mbufo?

JOHN 20:27

Ndien Enye edidɔhɔ Thomas ete, Nyan nnuenubɔk fo, se ubɔk Mi; nyuŋ nyanare ubɔk fo sin ke ŋkaŋ Mi: kunyuŋ unana mbuɔtidem, edi nim ke akpanikɔ.

UTOM MME APOSTLE 13:18

Enye onyuŋ eme ime ye ido mmɔ ke desert ke adaŋa isua aba.

UTOM MME APOSTLE 2:40

Peter onyuŋ emen ediwak ikɔ efen etiŋ ɔnɔ mmɔ, onyuŋ akpak mmɔ ete, Enyaŋa idem mbufo esio ke ŋkwaŋa emana emi.

2 ŊWED CORINTH 11:1

MBUFO ekpakam eme ime ye ami ke ekpri ndisime eke nyomde ndisime; ekam enyene ime ye ami.

DEUTERONOMY 32:5

Enye (Israel) amakabare ɔdiɔk ye enye, ndo mmɔ idige eke nditɔ esie: ke edi emana itun ye ukwaŋ.