MATTHEW 16:27 - Edisana ñwed Abasi Ibom

²⁷ Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MATTHEW 16:27 ပူးပေါင်းရင်းမြစ်များ

ŊWED JOB 34:11

Koro enye eyeda se owo anamde osio usiene ye owo, onyuŋ anam owo okut nte asaŋade ye ido owo.

ŊWED MME PSALM 62:12

ete ke afo, Ɔbɔŋ, omonyuŋ enyene ima, koro ɔnɔde owo ekem ye se owo anamde.

MME ŊKE 24:12

Afo ama ɔdɔhɔ ete, “Sese, mmimɔ ikɔfiɔkke;” nte andidomo esit itimke ikut? Nte andikpeme ukpɔŋ fo ifiɔkke? Nte enye idinyuŋ inɔŋɔ owo nte utom owo edide?

ECCLESIASTES 3:17

Ndɔhɔ ke esit mi, nte, Abasi eyedomo eti owo ye idiɔk: koro ini anade ɔnɔ kpukpru se eyomde, ye kpukpru se enamde do.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

JEREMIAH 32:19

omokpon ke item, onyuŋ ɔsɔŋ ke utom, emi enyin fo etarade ese kpukpru usuŋ nditɔ owo, ndinɔ kpukpru owo nte ekemde ke usuŋ mmɔ ye utip utom mmɔ:

EZEKIEL 18:20

Edi ukpɔŋ eke anamde idiɔk eyekpa. Eyen idibiomke ufen ete esie; ete idinyuŋ ibiomke ufen eyen esie; edinen ido edinen owo eyedoro enye ke idem; idiɔk ido idiɔk owo eyenyuŋ odoro enye ke idem.

EZEKIEL 7:27

Edidem eyetua, ɔbɔŋ eyeda mkpa-idem esine, ubɔk eyenyuŋ etimere mbio-obio: nyenam mmɔ nte ekemde ye usuŋ mmɔ, nnyuŋ nda ikpe mmɔ ŋkpe ye mmɔ: ndien mmɔ eyefiɔk ete ke ami ndi Jehovah.

DANIEL 7:10

Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

ZECHARIAH 14:5

Ndien mbufo eyefeŋe ekeduk ke itihere ikpɔ obot mi: koro itihere ikpɔ obot eyetuak ke Azel: ndien mbufo eyefeŋe kpa nte ekefeŋede ebak unyek-isɔŋ ke eyo Uzziah edidem Judah: ndien Jehovah Abasi mi ke edi: kpukpru edisana ikɔt fo eyenyuŋ etiene fi edi.

MATTHEW 13:41

Eyen Owo eyesio mme angel Esie ɔdɔŋ, ndien mmɔ eyetaŋ kpukpru ŋkpɔ emi esinde owo eduɔ, ye mmɔ emi enamde ukwaŋido efep ke Obio Ubɔŋ Esie,

MATTHEW 13:49

Ntre ke edidi ke akpatre ini eyo emi; mme angel eyewɔŋɔ edi edidianare mme oburobut owo esio ke ndinen owo, enyuŋ eduɔŋɔ mmɔ ke akwa ikaŋ eke asakde.

MATTHEW 24:30

Adaŋoro ke idiɔŋɔ Eyen Owo eyewut idem ke enyɔŋ: adaŋoro ke kpukpru mme idut isɔŋ eyenyuŋ efuhɔ, mmɔ eyeyuŋ ekut Eyen Owo odorode ke obubit enyɔŋ edi ye odudu ye akwa ubɔŋ.

MATTHEW 25:31

Ke ini Eyen Owo edidide ke ubɔŋ Esie, asaŋa ye kpukpru mme angel, adaŋaro ke Enye eyetie ke ebekpo ubɔŋ Esie.

MATTHEW 26:64

Jesus ɔbɔrɔ enye ete, Edi ntre; edi ndɔhɔ mbufo nte ɔtɔŋɔde ke emi mbufo eyekut nte Eyen Owo etiede ke ubɔk nnasia Odudu, onyuŋ odorode ke obubit enyɔŋ edi.

MATTHEW 8:20

Ndien Jesus ete enye, Ebua-ikɔt enyene ndudu, inuen enyɔŋ enyuŋ enyene mme efɔk; edi Eyen Owo inyeneke ɔtɔ eke odoride ibuot Esie.

MARK 14:62

Jesus ete, enye, Ndi Enye; mbufo eyenyuŋ ekut nte Eyen Owo etiede ke ubɔk nnasia Odudu, onyuŋ edide ke ikpa-enyɔŋ heaven.

MARK 8:38

Eyen owo eyekop but ye enye, ke ini Enye edide ke ubɔŋ Ete Esie ye ndisana angel Esie.

LUKE 21:27

Adaŋoro ndien eyekut Eyen Owo odorode ke obubit enyɔŋ edi ye odudu ye akwa ubɔŋ.

LUKE 22:69

Edi ɔtɔŋɔde ke ŋkpɔ emi ama ebe, Eyen Owo eyetie ke ubɔk nnasia odudu Abasi.

LUKE 9:26

Koro owo ekededi eke edikopde but ye Ami ye ikɔ Mi, Eyen Owo eyekop but ye enye, ke ini Enye edidide ke ubɔŋ Esie ye Ubɔŋ Ete Esie ye eke ndisana angel.

JOHN 21:22

Edieke nyomde enye osuk odu tutu ndi, nso mbubehe ke enyene do? afo kam tiene Mi.

JOHN 21:23

Ntem ke etop asuana ke otu nditɔ-ete, ete mbet oro idikpaha. Edi Jesus ikɔdɔhɔke Simon ite, mbet oro idikpaha; edi ɔkɔdɔhɔ ete, Edieke nyomde enye osuk odu tutu ndi, nso mbubehe ke enyene do?

UTOM MME APOSTLE 1:11

Mbufo mbon Galilee, nsinam mbufo edade ese ikpa-enyɔŋ? Jesus emi, emi emende Enye ekpɔŋ mbufo eduk ke heaven, eyedi kpa ke ido emi mbufo ekutde Enye ɔnyɔŋde oduk ke heaven.

ŊWED MBON ROME 14:12

Mmɔdo ndien kpukpru nnyin kiet kiet iyebuk mbuk ibaŋa idem nnyin inɔ Abasi.

ŊWED MBON ROME 2:6

emi edinɔde kpukpru owo kiet nte ekemde ye utom esie.

1 ŊWED CORINTH 15:23

Edi kpukpru owo ke idaha esie; Christ ebem iso eset nte akpa mbuŋwum; ekem mmɔ emi edide ikɔt Christ eyediana ye Enye ke eridi Esie.

1 ŊWED CORINTH 3:13

utom kpukpru owo kiet kiet eyeyarare; koro usen oro eyewut enye, koro usen oro edisierede ke ikaŋ; ikaŋ eyenyuŋ odomo se kpukpru owo ekanamde owut oruk utom eke edide.

1 ŊWED CORINTH 8:8

Edi udia inamke nnyin inyene eti itie ke iso Abasi. Edieke nnyin midiaha, inamke nnyin idiɔk; onyuŋ edieke nnyin idiade, inamke nnyin ifɔn.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

ŊWED MBON EPHESUS 6:8

Koro mbufo efiɔkde ete eti ŋkpɔ ekededi eke owo anamde, kpa oro ke enye editɔŋɔ ntak ɔbɔ ke ubɔk Ɔbɔŋ, ye enye edide ofin ye enye edide eyen-isɔŋ.

ŊWED MBON COLOSSAE 3:25

Koro owo eke anamde se idiɔkde eyebɔ utip idiɔk ŋkpɔ oro enye akanamde; Abasi iteŋeke owo enyin.

1 ŊWED THESSALONICA 1:10

inyuŋ itie ibet tutu Eyen Esie oto ke heaven edi, emi Enye akanamde eset ke mkpa, kpa Jesus, emi anyaŋade nnyin osio ke iyaresit eke ɔmɔŋ edidi.

1 ŊWED THESSALONICA 4:16

Koro Ɔbɔŋ ke Idem Esie eyeto ke heaven ɔsuhɔre ye mkpo, ye uyo archangel, ye ukorowo Abasi; ndien mmɔ emi ekpaŋade ke Christ eyebem iso eset:

JAMES 5:7

Eme ime ndien, nditɔ-ete tutu Ɔbɔŋ edi. Sese, ɔtɔ-iŋwaŋ etie ebet eti mbuŋwum isɔŋ, onyuŋ eme anyan ime, tutu enye okut akpa ye ukperedem edim.

1 PETER 1:17

Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;

1 JOHN 2:28

Mmɔdo, ŋkpri nditɔ, eduŋ ke Enye ke emi, man, edieke Enye ediwɔrɔde owut idem, nnyin ikpenyene uko, ikunyuŋ inyene but ke iso Esie, ke adaŋemi Enye edidide.

JUDE 1:14

Enoch, emi edide ɔyɔhɔ owo itiaba nte ekebot Adam, etiŋ ikɔ nte prophet abaŋa mmɔ, ete, Sese, Ɔbɔŋ asaŋa ye ata ediwak ndisana ikɔt Esie edi,

ERIYARARE 1:7

Sese, Enye ɔmɔŋ asaŋa ke obubit enyɔŋ edi; kpukpru enyin eyenyuŋ ekut Enye, ye mmɔ emi ekekimde Enye; ndien kpukpru mme idut isɔŋ eyeseme Enye. Yak edi ntre, Amen.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.