MATTHEW 16:19 - Edisana ñwed Abasi Ibom

¹⁹ Nyeda mme ukpɔhɔre Obio Ubɔŋ Heaven nsin fi ke ubɔk; ndien se ededi eke afo edibɔpde ke isɔŋ, ke eyebɔp ke heaven, se ededi afo editatde ke isɔŋ ke eyenyuŋ etat ke heaven.

MATTHEW 16:19 ပူးပေါင်းရင်းမြစ်များ

ISAIAH 22:22

Nyenyuŋ ndori enye ukpɔhɔre ufɔk David ke afara; ndien enye eyekpɔhɔre, ndien baba owo kiet idiberike; onyuŋ eberi, ndien baba owo kiet idikpɔhɔkede;

MATTHEW 18:18

Ke akpanikɔ ke ndɔhɔ mbufo nte ŋkpɔ ekededi eke mbufo edibɔpde ke isɔŋ, eyebɔp ke heaven; ŋkpɔ ekededi eke mbufo edinyuŋ etatde ke isɔŋ, eyetat ke heaven.

JOHN 20:23

Ebɔ Edisana Spirit: owo ekededi eke mbufo efende mme idiɔk-ŋkpɔ, emefen mmɔ mme idiɔŋ-ŋkpɔ mmɔ; owo ekededi eke mbufo emumde mme idiɔk-ŋkpɔ enim, emum mme idiɔk-ŋkpɔ mmɔ enim.

UTOM MME APOSTLE 15:7

Edi ke mmɔ ema ekeneni ediwak eneni, Peter adaha ke enyɔŋ ɔdɔhɔ mmɔ ete, Nditɔ-ete, mbufo emefiɔk ete tutuko Abasi ekemek ke otu mbufo, ete oto ke inua mi mme Gentile ekpekop ikɔ gospel, enyuŋ enim ke akpanikɔ.

2 ŊWED CORINTH 2:10

Owo emi mbufo efende enye ŋkpɔ ke ami mfen ŋko; koro se ededi eke ami ŋkefende enye, edieke ŋkefende enye ŋkpɔ, ŋkefen enye ke iso Christ ke ntak mbufo;

1 ŊWED THESSALONICA 4:8

Mmɔdo owo emi esinde ndibɔ item emi isinke item owo, edi esin item Abasi, emi ɔnɔde mbufo Edisana Spirit Esie.

ERIYARARE 1:18

Ami ndi Mbemiso ye Akpatre ye Andidu uwem; ndien mma ŋkabare ŋkpa, ndien sese, ndodu uwem ke nsinsi, nnyuŋ ŋkama ukpɔhɔre mkpa ye obio ekpo.

ERIYARARE 11:6

Mmɔ oro enyene odudu ndisiri ikpa-enyɔŋ mbiɔŋɔ edim ndidep ke mme usen eke mmɔ etiŋde prophecy; mmɔ enyuŋ enyene odudu ke idim mmɔŋ, ndinam mmɔŋ akabare edi iyip, ndinyuŋ nda kpukpru idiɔk udɔŋɔ mmia isɔŋ ufen, adaŋa ini nte mmɔ emama.

ERIYARARE 3:7

Nyuŋ nɔ ŋwed esɔk angel ufɔk Abasi emi odude ke Philadelphia, ete: Ntem ke Enye emi edide edisana, emi edide ata akpanikɔ, emi enyenede ukpɔhɔre David, emi ɔkpɔhɔrede, ndien baba owo kiet iberike; onyuŋ eberide, ndien baba owo kiet ikpɔhɔkere, ɔdɔhɔ ete, Mmɔfiɔk mme utom fo.

ERIYARARE 9:1

EKEM ɔyɔhɔ angel ition ofri; nnyuŋ ŋkut ntantafiɔŋ nte otode ke enyɔŋ ɔduɔ ke isɔŋ; ndien enɔ enye ukpɔhɔre obube akwa udem.