MATTHEW 16:16 - Edisana ñwed Abasi Ibom

¹⁶ Simon Peter ɔbɔrɔ Enye ete, Afo edi Christ, Eyen Abasi uwem.

MATTHEW 16:16 ပူးပေါင်းရင်းမြစ်များ

ŊWED MME PSALM 2:7

Yak ntiŋ mbaŋa ewuhɔ: Jehovah ɔmɔdɔhɔ mi, ete, Afo edi eyen mi ami mmobon fi mfin emi.

ŊWED MME PSALM 42:2

Itɔŋ Abasi, kpa eke Abasi uwem, amasat mi ukpɔŋ; ke ini ewe ke ndikeme ndika ŋkowut Abasi idem mi?

DANIEL 6:26

Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.

MATTHEW 1:16

Jacob onyuŋ obon Joseph ebe Mary, emi amande Jesus, emi ekerede Christ.

MATTHEW 14:33

Edi mmɔ emi edude ke ubom etuak ibuot enɔ enye, ete, Ke akpanikɔ Afo edi Eyen Abasi.

MATTHEW 16:15

Enye ɔdɔhɔ mmɔ ete, Edi mbufo edɔhɔ ete Ami ndi anie?

MATTHEW 26:63

Edi Jesus isioroke uyo. Ntre ke akwa oku ɔdɔhɔ Enye ete, Mmowuk Fi ke enyiŋ Abasi emi odude uwem, nte, asian nnyin me Afo edi Christ, Eyen Abasi.

MATTHEW 27:54

Edi ke ini centurion, ye mmɔ emi edude ye enye ekpeme Jesus, ekutde unyek-isɔŋ, ye mme ŋkpɔ oro etibede, mmɔ efehe akwa ndik eti-eti, enyuŋ edɔhɔ ete, Ke akpanikɔ emi ekedi Eyen Abasi.

MATTHEW 4:3

Ndien andidomo edi edidɔhɔ Enye ete, Edieke Afo edide Eyen Abasi, wuk mme itiat emi ekabare edi uyo.

MARK 14:61

Edi Jesus isioroke uyo, ibɔrɔke bɔrɔ. Akwa oku ɔtɔŋɔ ntak obup Enye ete, Nte Afo edi Christ, Eyen Andinyene-itoro?

LUKE 2:11

koro Andinyaŋa, emi edide Christ Ɔbɔŋ, amana ɔnɔ mbufo mfin ke obio David.

JOHN 1:49

Nathanael ɔbɔrɔ Enye ete, Rabbi, Afo edi Eyen Abasi; Afo edi Edidem Israel.

JOHN 11:27

Martha ɔdɔhɔ Enye ete, Edi ntre, Ɔbɔŋ, mmonim ke akpanikɔ nte Afo edi Christ Eyen Abasi, kpa Enye emi odukde edi ke ererimbot.

JOHN 20:31

Edi ewet mmɔ emi, man mbufo enim ke akpanikɔ ete Jesus edi Christ, Eyen Abasi; man ke erinim ke akpanikɔ, mbufo ekpenyene uwem ke enyiŋ Esie.

JOHN 6:57

Nte Ete emi odude uwem okosiode Mi ɔdɔŋ, Ami nnyuŋ ndude uwem oto Ete; ntre ke owo eke adiade Mi eyenyuŋ odu uwem oto Mi.

JOHN 6:68

Simon Peter ɔbɔrɔ Enye ete, Ɔbɔŋ, nnyin iditiene anie? Afo enyene ikɔ uwem nsinsi.

JOHN 6:69

Nnyin imonyuŋ inim ke akpanikɔ inyuŋ ifiɔk ite, Afo edi Edisana Eyen Abasi.

UTOM MME APOSTLE 14:15

Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.

UTOM MME APOSTLE 8:36

Edi nte mmɔ ekade iso ke usuŋ mmɔ, mmɔ edisim mmɔŋ;

UTOM MME APOSTLE 8:37

ndien eunuch oro ete, Se mmɔŋ mi; nso ibiɔŋɔ mi ndina baptism?

UTOM MME APOSTLE 9:20

Ndien kpa idaha oro enye ɔkwɔrɔ Jesus ke mme synagogue ete, Enye edi Eyen Abasi.

ŊWED MBON ROME 1:4

edi ke spirit Esie emi edide ata edisana, eriset emi Enye esetde ke mkpa ama owut ke odudu ete Enye edi Eyen Abasi); kpa Jesus Christ Ɔbɔŋ nnyin

2 ŊWED CORINTH 1:19

Koro Eyen Abasi, Jesus Christ, emi nnyin, kpa ami ye Silvanus ye Timothy, ikɔkwɔrɔde ke otu mbufo, idige “Edi ntre, mme, Idige ntre”; edi ke Enye ke Abasi etiŋ ete, “Edi ntre” (anam gospel ɔsɔŋɔ ada).

2 ŊWED CORINTH 3:3

Ana aŋwa-aŋwa ete mbufo edi ŋwed Christ emi nnyin ikamade isaŋa, ŋwed emi mikewetke ke mmɔŋ-ŋwet, edi ewetde ke Spirit Abasi uwem; emi miwetke ke ŋkpɔ-uwet-ŋwed eke edade itiat enam, edi ewet ke ŋkpɔ-uwet-ŋwed eke edide esit owo.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

DEUTERONOMY 5:26

Koro anie odu ke otu kpukpru obukidem emi okokopde uyo Abasi uwem nte etiede ke ufɔt ikaŋ etiŋ, nte nnyin, ndien odu uwem?

1 ŊWED THESSALONICA 1:9

Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem,

1ŊWED TIMOTHY 3:15

edi edieke mbigide ndidi, ŋwet man afo ɔfiɔk usuŋ nte owo ekpedude uwem ke ufɔk Abasi; emi edide ufɔk odu uwem Abasi, adaha ye isɔŋ eke akpanikɔ Abasi odorode ke esit.

1ŊWED TIMOTHY 4:10

Koro edi emi esin nnyin ikpa utom ye eŋwan, koro nnyin ikodoride enyin ke odu-uwem Abasi, emi edide Andinyaŋa kpukpru owo, akpan-akpan andinyaŋa mbon mbuɔtidem.

MME HEBREW 10:31

Edi ata ŋkpɔ ndik ndiduɔ nsine ke ubɔk Abasi emi odude uwem.

MME HEBREW 12:22

Edi mbufo ekesaŋa ekpere Obot Zion, ye Obio Abasi uwem kpa Jerusalem enyɔŋ, ye ata ediwak angel, ye akwa esop ye ufɔk Abasi eke mmɔ emi edide ikpan,

MME HEBREW 3:12

Nditɔ-ete, ekpeme mbak ndusuk idiɔk esit unana mbuɔtidem edidu owo mbufo kiet ke idem, ke eriwɔŋɔre ŋkpɔŋ Abasi uwem:

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

1 JOHN 4:15

Owo ekededi eke edinyimede ete, Jesus edi Eyen Abasi, Abasi ododuŋ enye ke esit, enye onyuŋ oduŋ ke Abasi.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

1 JOHN 5:5

Anie owo edi andikan ererimbot, ke mibɔhɔke enye emi onimde ke akpanikɔ ete, Jesus edi Eyen Abasi?

ERIYARARE 7:2

Ndien ŋkut angel eŋwen otode ke edem usiaha-utin ɔdɔk, emi enyenede ufik-ŋkpɔ Abasi uwem; ndien enye ada ɔkpɔsɔŋ uyo okot mme angel inaŋ oro eyakde odudu enɔ mmɔ ndibiat obot ye inyaŋ, ete,