MATTHEW 15:32 - Edisana ñwed Abasi Ibom

³² Edi Jesus okot mbet Esie edi, ete, Mmatua otu owo mbɔm, koro ke emi mmɔ ema etie ye Ami usen ita, minyuŋ inyeneke se ediade; nnyuŋ mmaŋa ndidɔŋ mmɔ esaŋa ye biɔŋ enyɔŋɔ, mbak mmɔ edikpa mba ke usuŋ.

MATTHEW 15:32 ပူးပေါင်းရင်းမြစ်များ

2 NDIDEM 4:42

Ekem owo oto ke Baal-shalisha edi, ada uyo akpa mfri ɔsɔk owo Abasi, kpa uyo a barley edip, ye editim ibokpot ke ekpat esie. Ndien enye ɔdɔhɔ ete, Nɔ kpukpru owo man edia.

MATTHEW 12:40

Koro nte Jonah okodude ke idibi akamba iyak uwemeyo ita ye okoneyo ita, ntre ke Eyen Owo eyedu ke esit isɔŋ uwemeyo ita ye okoneyo ita.

MATTHEW 14:13

Edi ke ini Jesus okopde ŋkpɔ emi, Enye ediere ke ubom, adaha ke ɔtɔ oro, aka ke ebiet eke edide desert ye mbet Esie ikpɔŋ; ndien ke adaŋemi mme otu owo ekopde, mmɔ eto ke mme obio esaŋa ukot-ukot etiene Enye.

MATTHEW 15:33

Ndien mbet edɔhɔ Enye ete, Ke mmɔŋ ke nnyin idinyene uyo eke awakde ke desert emi ekem ndiyuhɔ adaŋa akwa otu owo emi?

MATTHEW 20:34

Edi Jesus okop mbɔm, otuk mmɔ enyin; ndien ndo-ndo oro mmɔ ekut usuŋ enyuŋ etiene Enye.

MATTHEW 27:63

Ɔbɔŋ, nnyin imeti ite, ke ini owo abiaŋa oro okodude uwem, Enye ɔdɔhɔ ete, Usen ita ema ebe Imɔ iyeset.

MATTHEW 9:36

Edi ke adaŋemi Enye okutde mme otu owo, atua mmɔ mbɔm, koro mmɔ edude ke nnanenyin enyuŋ esuanade, nte erɔŋ eke minyeneke andikpeme.

MARK 9:22

Spirit onyuŋ awawak ndisio enye nduɔk ke ikaŋ ye ke mmɔŋ, ete iwot enye: edi edieke Afo ekemede ndinam ŋkpɔ, tua nnyin mbɔm, nyuŋ ŋwam nnyin.

LUKE 7:13

Ndien ke adaŋemi Ɔbɔŋ okutde ŋwan oro, atua enye mbɔm, onyuŋ ɔdɔhɔ enye ete, Kutua.

UTOM MME APOSTLE 27:33

Ke ini eyo oyomde ndisere, Paul ekpe ye mmɔ kpukpru ete, edia udia; enye ete mmɔ, mfin edi ɔyɔhɔ usen duopenaŋ nte mbufo eketie ebet, enyuŋ etre ndidia ŋkpɔ.

MME HEBREW 4:15

Koro nnyin minyeneke Akwa Oku eke mikemeke nditiene nnyin ŋkut mmem-idem nnyin; edi Akwa Oku emi okokutde idomo ke kpukpru nde kpa nte nnyin, edi minyeneke idiɔk-ŋkpɔ.