MATTHEW 15:28 - Edisana ñwed Abasi Ibom

²⁸ Ekem Jesus ɔbɔrɔ enye ete, O ŋwan, mbuɔtidem fo omokpon; yak ɔwɔrɔ ɔnɔ fi nte oyomde. Ndien eyen esie okop nsɔŋidem ɔtɔŋɔde ke ini oro.

MATTHEW 15:28 ပူးပေါင်းရင်းမြစ်များ

ŊWED JOB 13:15

Sese, mme enye eyewot mi: nnyeneke idorienyin, edi nyekaŋ ido mi ke iso esie.

ŊWED JOB 23:10

Koro enye ɔfiɔkde usuŋ eke odude ye ami: enye odomo mi: nyewɔrɔ mbiet gold.

ŊWED MME PSALM 145:19

Enye eyenam se mme andibak enye emade: onyuŋ okop eseme mmɔ, onyuŋ anyaŋa mmɔ.

ŊWED ESEME 3:32

koro enye ama otuk owo, enye eyenyuŋ atua owo mbɔm nte ekemde ye ediwak ima esie.

MATTHEW 14:31

Edi idaha oro Jesus anyanare ubɔk omum enye, onyuŋ ɔdɔhɔ enye ete, O afo owo ekpri mbuɔtidem, nsidi ntak afo eyikde?

MATTHEW 15:27

Edi ŋwan ete, Emekem, Ɔbɔŋ; koro mme ebua enyuŋ ediade ŋkeŋe udia eke etode ke okpokoro mme andiyene mmɔ eduɔŋɔ.

MATTHEW 8:10

Ke adaŋemi Jesus okopde ikɔ emi, enyene Enye nyɔ; Enye onyuŋ ɔdɔhɔ mmɔ emi etienede Enye, ete, ke akpanikɔ ke ndɔhɔ mbufo, akanam ŋkwe mbuɔtidem eke okponde ntem, kpa ke Israel.

MATTHEW 8:13

Ekem Jesus ɔdɔhɔ centurion, ete, Nyɔŋ okuo: yak osu ɔnɔ fi adaŋa nte onimde ke akpanikɔ. Ndien udɔŋɔ okure owo esie kpa ke ini oro.

MATTHEW 9:22

Edi Jesus ɔwɔŋɔre idem okut ŋwan oro, onyuŋ ɔdɔhɔ enye ete, Eyen Mi, sɔŋ esit: mbuɔtidem fo amanam fi okop nsɔŋidem. Ndien idem ɔsɔŋ ŋwan oro tɔŋɔ ini oro.

MARK 5:34

Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ ke oduk ke emem, nyuŋ bɔhɔ idiɔk udɔŋɔ fo.

LUKE 17:5

Ekem mme apostle edɔhɔ Ɔbɔŋ ete, Nam mbuɔtidem nnyin okpon akan.

LUKE 7:50

Edi Jesus ɔdɔhɔ ŋwan oro ete, Mbuɔtidem fo ama anyaŋa fi; nyɔŋ, koduk ke emem.

LUKE 7:9

Ke adaŋemi Jesus okopde ikɔ emi, enyene Enye ndyɔ; Enye onyuŋ ɔwɔŋɔre ɔdɔhɔ otu owo emi etienede Enye, ete, Ndɔhɔ mbufo nte, akanam ŋkwe mbuɔtidem eke okponde ntem, kpa ke Israel.

2 ŊWED THESSALONICA 1:3

Ana nte nnyin ikɔm Abasi kpukpru ini ibaŋa mbufo, nditɔ-ete, kpa nte odotde nnyin ndinam ntre, koro mbuɔtidem mbufo ɔkɔride eti-eti, ima emi kpukpru mbufo emade kiet eken onyuŋ okponde;

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.