MATTHEW 15:19 - Edisana ñwed Abasi Ibom

¹⁹ Koro mme idiɔk ekikere eto ke esit ewɔŋɔ, ye obom, ye efibe, ye use, ye inɔ, ye ikɔntiense nsu, ye isuŋi.

MATTHEW 15:19 ပူးပေါင်းရင်းမြစ်များ

GENESIS 6:5

Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini.

GENESIS 8:21

Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

ŊWED MME PSALM 119:113

Nsasua mbon esit iba: edi mmama ido fo.

MME ŊKE 22:15

Ndisime ido eyire ke esit eyenɔwɔŋ: eto item eyebin enye efep ɔkpɔŋ enye anyan usuŋ.

MME ŊKE 24:9

Ndisime ekikere ɔmɔdiɔk: ndien asak-nsahi etek owo esit.

MME ŊKE 4:23

Tim kpeme esit fo kan kpukpru se ekpemede; koro uwem otode enye.

MME ŊKE 6:14

Ukwaŋ-ŋkpɔ odu enye ke esit, enye aduak idiɔk, kpukpru ini enye edemere utɔk.

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

ISAIAH 59:7

Ukot mmɔ efeŋe enam se idiɔkde; enyuŋ ewara ndiduɔk iyip owo eke miduehe: ekikere mmɔ edi ekikere ibak; nsobo ye nwure edu ke ɔkpɔ-usuŋ mmɔ.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

NUMBERS 22:29

Ndien Balaam ɔdɔhɔ ass esie, ete, Koro afo esuenede mi: akpakam ofut odu mi ke ubɔk, ŋkpowot fi ke idahemi.

MATTHEW 15:20

Mmɔ emi edi se isabarede owo; edi ndidia ŋkpɔ ye ubɔk eke miyetke isabakere owo.

MATTHEW 5:28

edi Ami ndɔhɔ mbufo nte, Owo ekededi eke esede ŋwan ke enyin use ama esin efibe ye enye ama ke esit esie.

MATTHEW 9:4

Edi Jesus ɔfiɔk ekikere mmɔ, onyuŋ ete mmɔ, Nsinam mbufo ekerede idiɔk ekikere ke esit mbufo?

UTOM MME APOSTLE 8:22

Kabare esit ndien, kpɔŋ idiɔk ido fo emi, nyuŋ kpe Ɔbɔŋ ubɔk, me ndusuk enye eyedahado ɔnɔ fi ke se ekerede ntem ke esit fo.

ŊWED MBON ROME 7:18

Koro mmɔfiɔk nte baba eti ŋkpɔ kiet iduŋke mi ke idem, oro edi, ke obukidem mi: koro ndinyime ndinam eti ŋkpɔ odu ye ami, edi ndinanam iduhe.