MATTHEW 15:16 - Edisana ñwed Abasi Ibom

¹⁶ Enye ete, Nte mbufo ŋko emanana ifiɔk ntem?

MATTHEW 15:16 ပူးပေါင်းရင်းမြစ်များ

MATTHEW 13:51

Nte mbufo emetim efiɔk se kpukpru ŋkpɔ emi ewɔrɔde?

MATTHEW 15:10

Ndien Enye okot otu owo, onyuŋ ɔdɔhɔ mmɔ ete, Ekop, enyuŋ etim efiɔk ŋkpɔ.

MATTHEW 15:15

Edi Peter ɔbɔrɔ Enye ete, Siak ŋke emi nɔ nnyin.

MATTHEW 15:17

Nte mbufo ikwe ite, se ededi eke odukde ke inua ebe oduk ke idibi, ndien esio eduɔk ke ufɔk ekwe?

MATTHEW 16:11

Nsidi ntak eke mbufo mitimke ifiɔk ite, idige uyo ke ntiŋ ye mbufo mbaŋa? Edi ndɔhɔ mbufo nte, ekpeme idem mbufo mbak leaven mme Pharisee ye mme Sadducee.

MATTHEW 16:9

Nte mbufo itimke ifiɔk ŋkpɔ kaŋa, inyuŋ itihi uyo ition emi thousand owo ition ekadiade, ye ibat akpan eke mbufo ekataŋde?

MARK 6:52

idem onyuŋ akpa mmɔ eti-eti; koro mmɔ mitimke ifiɔk ibaŋa uyo, edi esit mmɔ ɔsɔsɔŋ.

MARK 7:18

Ndien Enye ɔdɔhɔ mmɔ ete, Nte mbufo nde emanana ifiɔk ntre? Nte mbufo ikwe ite ŋkpɔ ekededi, eke otode to oduk owo ke idem, ikemeke ndisabare enye;

MARK 9:32

Edi mmɔ ifiɔkke se ikɔ oro ɔwɔrɔde, onyuŋ anam mmɔ ndik ndibup Enye.

LUKE 18:34

Edi mmɔ ifiɔkke baba ŋkpɔ emi kiet, ikɔ emi onyuŋ odibe mmɔ, mmɔ inyuŋ ifiɔkke se Enye etiŋde.

LUKE 24:45

Ndien Enye aŋwaŋare mmɔ ikike, man mmɔ efiɔk ikɔ Abasi;

LUKE 9:45

Edi mmɔ ifiɔkke se ikɔ emi ɔwɔrɔde, koro okodibede mmɔ ke enyin, mbak mmɔ edifiɔk enye: ndien ndik anam mmɔ ndibup Enye mbaŋa ŋkpɔ emi.

MME HEBREW 5:12

Koro ke ini mbufo ekpedide mme anditeme owo efen adaŋemi, mbufo etɔŋɔ ntak eyom owo ekpep mbufo akpa eritɔŋɔ ukpep-ŋkpɔ Abasi; ema enyuŋ ekabare edi mmɔ emi mmɔŋeba ɔfɔnde ye mmɔ, midige ata udia.